CAFT: Gobierno ‘on schedule’ pa yega deficit di 3.0% pa 2018

ORANJESTAD – Gobierno ta ‘on schedule’ pa loke ta cumplimento cu e deficit di 3.0% segun e prome ‘uitvoerings reportage’. Asina e carta di e colegio di supervision financiero di Aruba ta bisa den un carta fecha 29 di mei ultimo. CAFT ta wak cu e realizacion di un deficit mas chikito den 2018 cu esun den 2017 como ‘un paso minimal den logro pa finanzas sostenible’.

ENTRADANAN

E carta di 6 pagina ta referi na e medidanan di e crisisheffing, manera BAVP cu mester genera 42.3 miyon e aña aki, BAZV su aumento cu mester genera 28.3 miyon y accijns cu ta genera 10 miyon. Tur ta cosnan positivo segun CAFT pero cu mester keda introduci mas liher cu ta posibel pa e por tin su efecto conforme schedule. Segun gobierno esaki lo drenta na vigor 1 di juli proximo y ta pa un periodo temporal. Ademas CAFT ta referi na entradanan di loonbelasting cu tambe ta riba schedule, cu 25.2% ya cobra (total di 72 miyon florin).

DESTINACION BAVP

Loke ta hala atencion den e carta ta e hecho cu CAFT ta mustra cu e BAVP no ta indica specificamente cu e ta destina pa cubri e proyectonan PPS. “Esey kier en cu e entrada di BAVP ta bay pa recursonan general. Lesa e carta completo AKI.