Frontera maritimo cu Venezuela ta habri definitivamente 7 di juni

ORANJESTAD - Gobierno ta habri frontera cu Venezuela definitivamente dia 7 di juni proximo pa ricibi berdura y fruta. Asina prome minister Evelyn Wever a confirma pa NoticiaCla diabierna atardi. Segun Wever, e delegacion di Aruba na Venezuela a informa gobierno diabierna atardi cu nan a yega na palabracionnan cu autoridad Venezolano pa por permiti importacion di fruta, berdura y pisca for di Venezuela. Awor ambos pais mester ehecuta e palabracionnan y lo ta cla pa habri e frontera diahuebs otro siman 7 di juni. " A base di nan conseho mi a dicidi pues di habri e fronteranan diahuebs awor 7 di juni! " Wever a bisa. Lo tin control estricto di cumplimento pa evita ilegalidad y contrabando. " Ta un sentimento di satisfaccion di cera un siman restableciendo confiansa di Hulanda den Aruba, y di por anuncia cu frontera cu Venezuela ta habri pa importacion dj fruta, berdura y pisca. Dios ta grandi. " Wever a finalisa bisando.