Hulanda a acepta pa Aruba logra surplus den dos aña

DEN HAAG – Aruba a logra convence Hulanda pa haya dos aña tempo pa yega na e surplus, envez di awor manera cu inicialmente a palabra cu e gobierno anterior. Asina prome minister Evelyn Wever Croes a confirma pa NoticiaCla diabierna mainta for di Hulanda den forma di primicia. “E siman aki nos a negocia y nos a yega na palabracionnan importante, di acuerdo cu nos FEM riba e deficit cu mester bira surplus, riba e rebaho di debe y riba supervision” Wever Croes a bisa. Esey a keda confirma den e Rijks ministerraad awe mainta.

SATISFECHO

Tabata na salida di e reunion di Rijksminosterraad awe mainta cu Wever Croes a declara pa e portal aki cu e ta satisfecho cu e resultado te awor aki. “Nos no ta ainda caminda cu nos kier ta, pero nos ta avandando significante mente ”.

NEGOSHANDO

Manera ta conoci, gobierno ta negociando e FEM (financieel economisch Memorandum) cu Hulanda pa yega na palabracionnan nobo riba finansas ya cu Aruba no ta cumpliendo cu ley. “ Den e siguiente dianan nos lo traha riba e detayes” Wever a sigui bisa. “ Nos ta haya dos aña pa yega na surplus, y esaki ta e tempo y espacio cu nos tin mester pa balansa nos presupuesto na forma duradero” e mandatario a finalisa bisando.