Edward Heerenveen: No culpa Insel Air cu e tin practicamente un monopolio

WILLEMSTAD – No por culpa Insel Air cu e tin practicamente e monopolio di bulamento riba cierto ruta entre islanan ABC y Caribe. Director di Insel Air international Edward Heerenveen a comenta esaki, -na occasion di e buelo inaugural di e avion tipo Fokker 70-, na NoticiaCla.com. E ta mustra cu si otronan no por a logra haci bon negoshi cu awe nan no ta operando awe mas, no por acusa Insel Air. Y ademas, haci comparacion inhusto tampoco no ta corecto. “Bo no mester compara Insel Air cu su mes. Bo mester compara Insel Air cu un otro compania un otro caminda cu ta bula e mesun distancia, anto wak wak cuanto e ta cobra y wak cuanto nos ta cobra” Heerenveen a bisa Noticiacla.com.

Cu baymento di e aerolinea DAE (Dutch Antilles Express), y e paro di Tiara Air, esun cu ta practicamente bulando su so entre e islanan, ta Insel Air. Y como tal, tin e pensamento cu awor nan tin e rutanan practicamente pa nan so, cu nan por haci y deshaci riba tanto e   tarifa como e servicio. ‘No tin otro y como tal e aerolinea no tin competencia casi, cu tur su chens pa bira arogante riba tur tereno’.

Heerenveen ta mustra cu no obstante nan posicion di bentaha, nan a sa di mantene nan tarifanan abou, basa riba e forza laboral di trabou di Corsou. “Ora bo no por compara, bo no tin mag di papia” Heerenveen a sigui bisa.