Compania Uber presente na E-Aruba seminar dia 9 di juni proximo

ORANJESTAD - Diasabra 9 di Juni 2018 lo tuma lugar e di tres E-Aruba Business Seminar den Renaissance Convention Center. Durante e dia lo tin oradornan cu diferente topico manera mercadeo digital pero tambe tecnologia di awo y future. Un di e oradornan for di San Francisco ta Sr. Mario Vinasco. Vinasco ta labora na e compania Uber. Uber ta un compania mundial cu a kibra e monopolio di taxi por medio di un applicacion di telefon. Promer cu Uber e tabata traha tambe cu Facebook. Mario su titulo ta ‘ Manager Marketing Analytics y Data Science”. E lo duna un presentacion riba “Machine Learning” y “Artificial Intelligence’. E dos topiconan aki ta bay man den man y tin di haber cu crea systemanan tecnologico cu por remplasa inteligencia humano. Un topico cu sigur tin hopi atencion pe pa asina mira den ki direccion esaki lo hiba nos mundo.

E-Aruba Business Seminar lo tuma lugar for di 8 or di mainta ora portanan di Renaissance Convention Center habri y pa 9 or e promer presentacion lo cuminsa. E lo sigi te cu 2 or di merdia. Carchinan ta obtenibel na Superfood, Office Systems y online via www.e-aruba.com.