Parlamentarionan rabia riba Raymond Knops pa geschillenregeling

DEN HAAG – Un carta di secretario di estado Raymond Knops di Relacionnan di Reino, a causa rabia cerca parlamentarionan di Aruba, Curaçao, Sint-Maarten y Hulanda. Di e carta ta resulta cu e geschillenregeling – riba cual ta wardando 8 aña caba – no tin prioridad. Cu un geschillen regeling (areglo di disputa), un huez independiente por kibra un impase entre e islanan di Caribe Hulandes y Hulanda, riba e statuut cu ta regla e relacionnan y e poder. Pero Hulanda no kier coopera.

D66

Segun miembro di tweede kamer Alexander Pechtold (D66) e carta ta crea mas pregunta cu contesta. Miembro di eerste kamer Kappen (SP) ta alerta cu e areglo di disputa ta hopi sensitivo na Hulanda. “Tin un conviccion hopi fuerte na Hulanda cu un huez no por sinta riba stul politico”.

Partido MAN

Parlamentario pa partido MAN Giselle MacWilliam ta bisa cu Hulanda ta secuestra e islanan cu e omision di e areglo di disputa.

KNOPS

Knops a propone awor pa bin cu un proposicion fin di 2018, pero e delegacionnan no ta contento cu su carta. E delegacionnan ta tene cuenta cu gobierno Hulandes lo bin atrobe cu un concepto di ley adapta. Como tal nan ta exigi claridad pa exigi mas retraso.

CRITICA SEVERO

Ex minister Ronald Plasterk a adapta e concepto di ley pa un areglo di disputa na comienzo di 2017, y a mande comienzo di aña pasa na Raad van State. Esey a saca un conseho pero e conseho ey gobierno Hulandes a tene secreto. Esaki pasobra Raad van State lo tin critica fuerte riba e plan. Awe e delegacionnan na IPKO a keda pa trata e topico aki.

Fuente : Caribisch Netwerk, autor John Samson.