Prince Royce a sigura e prome anochi di Caribbean North Sea Jazz 2014

ORANJESTAD – Mientras cu Kross Heart y Weapons of Mass Percussion a habri e prome anochi, e atraccion principal diabierna anochi di e di 8 Caribbean Sea Jazz Festival tabata sin duda, Prince Royce. Cu un retraso chikito, e artista cu multiple premiacion grammy no a defrauda e 2000 y pico personanan presente. Segun calculo di polis, tabatin entre 2.000 pa 2.500 persona presente cu a goza sigur di un presentacion tur afo. Sigui pa e artista local Alydia Wever y Shuffle Demons, e anochi tabata ya caba un exito segun esnan presente. Terminando e anochi, Sazon Cubano y gualao a percura pa toke final cu a duna tur hende un rason pa ta presente pa e prome anochi.

Pa esnan cu a opta pa parkeer mas lew di e sitio y uza e servicio gratuito di e shuttle service (algun golfcart extendi) henter anochi, esaki no a resulta di ta un problema. Hopi a haci uso di e servicio aki, y por a yega e facilidad di concierto sin ningun problema. Na tur, e prome anochi tabata uno cu cualkier   amante di bon musica por a gosa sin mas. Diasabra anochi ta e di dos y ultimo anochi, unda cu entre e artistanan mas popular, lo ta e conocido saxofonista, Candy Dulfer. Riba e compilacion di potret di NoticiaCla.com, por haya un impresion di dos presentacion di Prince Royce y Shuffle Demons.