Grupo di trabou pa inventariza problema cu uso di hulandes pa examen local

Grupo di trabou pa inventariza problema cu uso di hulandes pa examen local

Posted on 05/28/2018 5:07 pm AST | Updated on 05/28/2018 6:17 pm AST

ORANJESTAD – Basa riba un articulo di e docente di Hulandes Arnoud Kuijpers na Colegio Arubano San Nicolas recientemente, -cu a bay viral-, tratando e tema di examen di scol na Hulandes, minister encarga Rudy Lampe a anuncia dialuna cu lo instrui un grupo di trabou pa haci un inventarizacion di e problematica aki y presenta posibel solucionnan pa duna un ‘fair chance’ na tur hobennan cu ta afecta pa esaki.

EXAMEN DIFICIL

Como ehempel, Lampe a referi na examen di scheikunde recientemente unda cu e texto pa describi e problema pa soluciona, tabata asina dificil, cu e studiantenan tabatin problema cune. A parse mas cu nan tabata wordo examina riba nan conocemento di Hulandes, envez di scheikunde. Parlamentario pa partido MEP Sue-Ann Ras, tambe presente na e conferencia, a duna un ehempel tambe di su propio yiu muher, cu a haya un 9 pa aardrijkskunde, pero no por a haya un 10, pasobra e la skibi nomber di e pais na papiamento (Argentina), envez di Hulandes (Argentinië). Ora cu esaki a bira conoci, Ras a splica cu e la drenta den un discuscion pisa cu e maneho di scol, y no ta haya ainda e cos ‘fair’ cu ta test mucha riba e idioma, envez di e materia. Ras prome di a bira parlamentario, tabata docente di profesion y un experto riba e materia di papiamento. 

ARNOUD KUIJPERS

E docente di Hulandes na Colegio Arubano San Nicolas ta esun cu recientemente a crea un ola di reaccion (bon y malo) riba e uso di hulandes como idioma pa examen local. Segun Kuijpers, e unico rato cu su alumnonan ta papia Hulandes ta den klas ora di les. Riba speelplaats durante recreo ta papiamento y tur otro caminda ta papia papiamento. “Den mi klas nan mester papia hulandes. E metodonan tur ta for di Hulanda, unda tur cos ta den contexto Hulandes, y tur cos ta referi na Hulanda” e docente a cuminsa splica. “Tur esaki mientras cu mi alumnonan ta biba na Aruba” e docente a sigui bisa. Y ta e inquietud aki tabata e base pa su articulo publica den e corant Hulandes Amigoe di Aruba recientemente. E ta conoci di ta bringa pa derecho di su alumnonan. “No ta husto cu alumnonan aki tin cu haci tur cos na Hulandes” e docente a bisa, refiriendo cu nan tin cu siña tur cos na Hulandes. E examen ta exactamente mescos cu na Hulanda, y esaki no ta husto segun e docente. “Nos ta haci mescos como si fuera Hulandes ta nan lenga materno, pero aki Hulandes no ta nan lenga materno. Pa mi sentimento, Hulandes ta un idioma morto” Kuypers a sigui bisa. “E idioma (Hulandes) por lo menos no ta biba entre e hobennan na scol. Mi ta scucha ingles, spaño y papiamento. Pero nada di Hulandes. Pakico e alumnonan aki mester traha e examens na Hulandes” e docente a sigui bisa. Como tal, ta tene e alumnonan bobo. E ta algo cu segun e docente, ta frustra e alumnonan den su klas. E alumnonan ta bisa e docente cu nan ta compronde e materia, pero no ta compronde e idioma den cual ta haci e pregunta riba examen.

STROUCKEN

Un otro docente cu tambe ta duna Hulandes na e scol, Esther Stroucken, tin e mesun experiencia pero mas tempo na e scol. E motibo pakico e no por a ‘bati e bel’ prome, ta pasobra e tempo ey (23 aña pasa) e aceptacion pa papiamento na scol simplemente no tabatey. Como tal e lo a haya resistencia y no lo a yega leu. Awe, e situacion ta di tal forma, cu hende ta pensa diferente, y cu ta pone tambe cu Kuijpers su articulo a hala asina hopi atencion.

 

 

  • AruBIG ta drenta fase di ehecucion otro siman dialuna

    AruBIG ta drenta fase di ehecucion otro siman dialuna

    ORANJESTAD -  Como preparacion pa tur instancia di cuido por cumpli cu e rekesitonan nobo, Directie Volks Gezondheid (DVG) a emiti e   relato conforme e Decreto nacional AB 2021 no. 79 y art. 42 di e Ordenansa nacional profesionnan den salud of e asina yama “AruBIG”  pa anuncia cu esaki ta drenta den su fase di ehecucion denter di 3 luna despues di e publicacion di e Decreto nacional di 15 di mei 2021. Despues di varios luna di preparacion a yega asina leu cu e prome fase di e Registro di AruBIG lo wordo lanza. Den un serie di 3 comunicado di prensa Departamento di Salud Publico (DVG) a informa publico en general e cambionan cu e ley nobo ta trece cu n’e, mirando cu e ley ta uno hopi extenso. Den e prome parti aki lo duna un splicacion tocante cua profesion mester inscribi y cua diploma ta reconoci.

  • Minister a pidi KPA aumenta patruya relaciona cu aumento den ladronicia den v-car

    Minister a pidi KPA aumenta patruya relaciona cu aumento den ladronicia den v-car

    ORANJESTAD - Minister di husticia Andin Bikker a pidi Korps Politie Aruba (KPA)aumenta patruya relaciona cu aumento den ladronicia den v-car. Asina e mandatario a informa dialuna. Segun e mandatario, e ultimo dianan a tuma nota cu diripiente ladronicia den v-cars a cuminsa lanta cabes. E tendencia ta specialmente den areanan aleha, na costa di nos isla. Anti socialnan ta kibra glas di auto y horta pertenencianan di turiastanan. E mandatario a pidi Cuerpo Policial Aruba pa duna atencion adicional riba e tereno aki pa optimalisa siguridad den e areanan afecta pa e ola di ladronicia. 

  • Parlamento porfin a cuminsa trata presupuesto 2021 diabierna mainta

    Parlamento porfin a cuminsa trata presupuesto 2021 diabierna mainta

    ORANJESTAD – Tratamento di presupuesto di pais Aruba pa 2021 a cuminsa diabierna mainta, 11 luna laat, cu un problema. Esaki pasobra a compronde cu e presidente di e Parlamento, Edgar Vrolijk lo a cera e lista di firma di orador tempran. Esey a pone cu algun orador a keda afo y no a basila pa reclama esaki. Partido RAIZ a mustra cu nan a hala atencion di e presidente y pidi pa habri e lista atroba pa inscribi, loke a sosode tambe.  Mientrastanto e presidente a sigura cu asina mes, aunke cu cierto personanan no a firma e lista (e.o. Mervin Wyatt Ras), toch a haya oportunidad pa hiba palabra. Esaki pa evita problema despues. Despues partido AVP su fraccion a bandona e sala como forma di protesta y a anuncia esaki despues den un conferencia di prensa. E reunion ta continua den curso di dia y ta sigui dialuna pa final di dia aproba esaki. Ta conoci cu un presupuesto di pais Aruba mester ta entrega mas tarda 1 di September di e aña anterior. Leynan nobo a pone cu pa 15 december di e aña anterior, e colegio di supervision financiero CAft mester tin e presupuesto aproba den su poder pa analisa esaki. Falta den esaki por conduci na un instruccion di parti di RMR riba conseho di CAft. Esaki sinembargo no a sosode ainda debi cu segun CAft, cada bez e gobierno na turno tabata presenta un ‘indicacion di kico ta pasando cu e presupuesto’ y esey tabata suficiente. Potret cortesia Aribaaruba Media

  • Gabinete Wever-Croes II lo tin 7 of 8 minister, pero no 9

    Gabinete Wever-Croes II lo tin 7 of 8 minister, pero no 9

    ORANJESTAD – Mientras cu no a dicidi e cantidad di minister pa e gabinete Wever Croes 2, e formador Wever Croes a bisa si cu e no ta bira 9, mirando e situacion actual. E decision mester cay si ta bira sea 7 of 8 minister. E reparticion di cartera no ta cla ainda y esey mester keda determina ainda. Asina e formador a bisa awe mainta durante un conferencia di prensa. Pa ley, gobierno por tin maximo 9 minister, y no tin ningun acuerdo of palabracion haci cu Hulanda, cuanto minister mester. Esaki pasobra ta un asunto netamente local, y tampoco no a palabra of hinca esaki den e landspakket. Pues Aruba no tin cu tene cuenta cu e parti ey.

  • Laclé: Gunn y Lopez Tromp no ta integro debi cu no a honra protocol

    Laclé: Gunn y Lopez Tromp no ta integro debi cu no a honra protocol

    ORANJESTAD – E guera den partido politico MAS a sigui e siman aki ora cu (awor ex) miembro di partido Solangel Laclé a kibra silencio diaranson riba e problema cu a surgi entre e y e (awor ex) colega di partido sra Gunn. Durante un conferencia di prensa e siman aki, sra Laclé a habri afo riba no solamente sra Aquanette Gunn sino tambe e lider di partido Marisol Lopez Tromp como 'complice'.  Segun Laclé, tanto Gunn como Lopez no a respeta un protocol cu partido a firma dia 6 di mei ultimo cu ta bisa cu esun cu mas voto, ta bay den Parlamento, aunke cu tur sa cu e kiesverordening ta esun cu ta manda aki. Segun Laclé, ora cu el a yama Gunn riba e punto aki, Gunn lo a contesta cu el a actua segun orden y conseho di lider di partido, pues aki tambe Lopez a bira complice. 

  • Premier Wever-Croes na Lampe: No ta pasobra RED a perde eleccion, regla no ta conta p’e

    Premier Wever-Croes na Lampe: No ta pasobra RED a perde eleccion, regla no ta conta p’e

    ORANJESTAD - “Mi ta compronde cu colega Lampe no ta gusta cu Ministerraad a overrule e, pero loke e colega aki mester compronde cu no ta pasobra nan a perde eleccion, regla no ta conta p’e “ tabata e prome reaccion di premier Evelyn Wever Croes contra colega minister Rudy Lampe. E reaccion di Wever tabata necesario segun e mandatario despues di -manera sra Wever ta cataloga e- atake feroz contra dje, unda cu den un carta pa Gobernador, a pidi pa pone e ministerio di Enseñansa bou di curatela. Segun Wever, e motibo segun Lampe, ta cu Premier Wever  a dicidi di para dos decision recien di Lampe.

  • Powered by SETAR