Iregularidadnan financiero encontra den ‘Enseñansa pa empleo’

ORANJESTAD – Irregularidadnan financiero a ser encontra den Enseñsa pa Empleo. Asina minister encarga cu e departamento, Rudy Lampe a informa dialuna mainta. Diabierna ultimo a keda entrega na e minister di enseñansa, despues di un proceso di evaluacion di e departamento di enseñansa pa empleo, e rapport investigacion. Aki ta unda a nota problema ora cu e rapport di centrale accountants dienst a keda entrega y a constata un serie di irregularidadnan den e maneho financiero. “Pa tal motibo, for di awe mi a dicidi pa interveni directamente den e maneho diario di enseñansa pa empleo” Lampe a sigui bisa. Pa un periodo te cu e investigacion posterior sigui, e mandatario ta keda encarga. E carta oficial a sali cu ta kita e autorizacion pa firma, di e directiva di enseñansa pa empleo.