Minister kier pa huez defini kico ta compronde bou di molester

ORANJESTAD – Minister di deporte Dangui Oduber kier pa huez defini kico e kier men cu molester. Esaki ta basa riba e caso recien di Lotto unda cu huez a atende e mandatario riba su forma di reacciona. Den un reaccion e siman aki pa medio di un comunicado, e mandatario (e.o.) a bisa cu hues ta bisa cu gobierno mester stop di molestianan y laga nan haci nan trabou, cual ta supervisa pa gobierno, den otro palabra, nan mester supervisa pa gobierno, pero nan no mester raporta na gobierno locual nan ta supervisa.

Segun e mandatario, lo ta bon si hues por defini molester. Kico ta molester? 1 carta pa siman, 1 carta pa luna of 8 carta pa aña? Conclusion di Hues ta indica cu SI ta un molester pa un Minister puntra den nomber di gobierno ariba situacionnan caminda tin iregularidad. Hues a solamente considera e hecho cu Minister a hasi PREGUNTA tocante iregularidadnan manera corupcion di placa cu a wordo prueba den corte, pero esaki pa e Hues tabata irelevante. E hues a solamente worry cu e Minister a haci pregunta y a premia e hunta di directiva door di pone un multa, mientras cu e hunta di directiva ta kibrando ley.

CASO SIMPEL

E mandatario ta sigui mustra cu si e la considera gobierno su puntonan, hues lo tabata obliga pa dicta full otro. Segun Oduber, hues ta hasta a duna su comentario personal den corte y tambe e ta pone den vonnis cu probablemente Gobierno lo bay perde den bodemprocedure. “ Pakico hues no a tuma e decision ey dibiaha? Pakiko warda ful un proceso di bodemprocedure. Toch e no a considera niun punto di gobierno” e mandatario a sigui bisa.

“Consecuentemente, hunta di supervision ta keda sinta riba stoel, mientras gobierno ta keda man mara. Pakico hues lo dicta e sentencia aki? E consecuencia di mas obvio ta cu nan ta haya 1 aña mas sigura den e stoel sinta. Deporte ta stagna. Tur hende conoce e dicho “stil staan is achteruit gaan”, e mandatario a finalisa bisando.