ORANJESTAD – Dia 25 di mei a celebra Dia Internacional di Biodiversidad. E aña aki ta recorda cu 25 aña pasa, durante un congreso di biodiversidad, cu internacionalmente a establece 3 meta riba e tereno aki. Nan ta, conservacion di biodiversidad rond mundo, su uzo mester ta sostenibel y mester haci uzo di su beneficio na un manera igual y responsabel.
Na e momentonan aki ta importante pa Aruba evalua su aporte na biodiversidad den mundo. Cu e pensamento aki, ta importante pa nos proteha nos flora y fauna sin lubida nan habitat cu ta, sea un eco-sistema marino of terestre. Den e documento ‘BEST’, e Factsheet di Aruba su profil ta duna un indicacion concreto den cua estado di importancia nos eco-sistema biologico ta. Instancianan cu a contribui cu e informacionan aki ta: Parke Arikok, Aruba Birdlife Conservation, Aruba Marine Park Foundation, Aruba Marine Mammal Foundation, TurtugAruba y Directie Natuur en Milieu. Den e documento aki, ta tene na cuenta e geografia, geologia, clima, eco-sistema, biomes y especienan endemico.
Ta menciona cu e ‘Bushi’ (Melocactus strmineus) cu por haya den Parke Arikok ta un di esnan endemico cu ta core peliger di extincion. Pa e motibo ey e ta riba e lista di especienan protehi den nos ley pa medio di e Decreto Nacional pa Proteccion di Flora y Fauna Endemico (2017)/Landsbesluit Bescherming Inheemse Flora en Fauna (2017).
Otro bestia y mata cu ta riba e lista menciona ta: Pega Pega (Phyllodactylus julieni), Cascabel (Crotalus durissus unicolor), Toteki (Anolis lineatus), Lora Yellow-shouldred Amazon (Amazona Barbadenis) esaki no ta existi mas na Aruba. Raton di Anochi ( Leptonycteris cracoae/long nosed bat). E bestia aki tin un trabou hopi importante cu ta polinisacion di cadushi y tuna.
Loke ta trata e matanan: Wayaca Macho (Guaiacum Sanctum) ta core peliger.
Pa loke ta trata nos laman, e lista di e especienan di coral tambe ta largo. Pa e categoria di piscanan nos a inclui tribon y chucho (rays), haciendo e lista di especienan cu ta core peliger, mas largo ainda.
Nos ta menciona algun di e especienan cu ta corre peliger. Nassau grouper (Epinephelus striatus), Goliath grouper (Epinephelus itajara), Buni-Atlantic Blue fin tuna(Thunnus thynnus) y por ultimo e tribonnan tambe ta riba e lista. Nan tin un papel importante den e mantencion di structura y bon funcionamento di nos eco-sistema marino.
Loke ta trata e tortuganan, tur ta cay den e categoria di bestianan cu ta core peliger di no existi mas. Riba e lista di Aruba, nos lista local, ta poni e Carret, Turtuga Blanco, Drikil, Cawama, Kemp’s Ridley turtle, y Olive Ridley turtle.
Pa un bista amplio riba e document por check online uzando e link aki:
http://bit.ly/2x4U1nj
Tambe por bishita nos Facebook page: dnmaruba
Nos tur mester ta consciente di nos biodiversidad. Ban preserva locual nos tin. Aunke hopi di nos ta consciente di e importancia toch tin perdida di biodiversidad na mundo. Ban haci di nos banda tambe.
ORANJESTAD - Diabierna 26 di april 2024 pa 7’or di mainta (ora local) a publica e edicion special di Staatscourant incluyendo un lista di e personanan na kende a otorga un Condecoracion Real e aña aki. Tradicionalmente e momento festivo aki, tambe conoci como Ocasion General, ta relaciona cu e cumpleaño di Su Mahestad, Rey Willem-Alexander, cu ta e Granmaestro di e condecoracionnan. Por otorga un condecoracion na personanan cu a duna un contribucion special na e sociedad.
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
ORANJESTAD – E organisacion independiente di conservacion di naturalesa conoci como Fundacion Parke Nacional Aruba (FPNA) ta usa e ocacion mundial di Dia di Mama Tera pa revela su transformacion pa Aruba Conservation Foundation (ACF). E transformacion akinan ta encera un nomber nobo, un logo, y identidad visual nobo cu ta alinea na e direccion strategico di e organisacion como un organisacion moderno di maneho di conservacion y alavez ta alinea na e necesidad actual pa conserva naturalesa di Aruba. Asina, e organisacion ta despedi di ta un organisacion tradicional di maneho di parke cu hopi a bin ta conoce pa mas cu 20 aña.