ATIA: Consecuencia serio causa pa fayo mecanico di barco

ATIA: Consecuencia serio causa pa fayo mecanico di barco

Posted on 05/24/2018 4:37 pm AST | Updated on 05/24/2018 4:38 pm AST

ORANJESTAD - Siman pasa, riba 15 di mei, ATIA a wordo informa di un problema cu un di e barconan den uso di e compania “King Ocean” rumbo pa entre otro Aruba. E barco concerni a hanja problema mecanico y consecuentemente a desvia pa Jamaica caminda e barco aki a wordo repara. E problema cu esaki a causa pa Aruba tawata grandi, causando cu basta producto y, mas importante, fruta y berdura no tawata disponibel na Aruba. Asina e gremio comercial ATIA ta raporta den un comunicado. Segun e gremio, Aruba ta depende hopi ariba e barco di King Ocean pa mayoria di comestibel y mercancia cu ta drenta Aruba, y e incidente cu e barco aki a mustra e consecuencia cu restraso of desviacion tin ariba economia di nos isla.

ATIA a reacciona mesora riba e notificacion aki, tumando contacto directo cu King Ocean pa asina ricibi detayes di e problemanan andando cu e barco. King Ocean na su turno a reacciona riba e carta di ATIA y a tene ATIA altanto di e situacion. King Ocean a reitera cu nan tambe ta wak e urgencia di e situacion y nan lo hasi nan maximo esfuerzo pa e containernan yega Aruba lo mas pronto posibel.

Lamentablemente ATIA a bin ta teme un situacion asina aki pa algun tempo caba, caminda Aruba ta depende pa mayoria di comestible riba un linja di carga, y si esaki pa cualkier motibo fuera di nan control hanja problema, Aruba su comerciantenan, consumidornan, sector turistico y economia ta sufri consecuencia grave. ATIA lo a prefera pa tin mas opcionan den e area aki pa asina disminui e efecto cu Aruba ta keda sin comestibel y cierto mercancia. ATIA sa cu esaki no ta fasil, mirando cu Aruba ta keda pafor di mayoria ruta usual di barconan di carga y e mercado ta uno relativamente chikito. ATIA ta reitira con importante e ta pa ofrece un servicio eficiente den nan nos waf y lo ta bale la pena explora opcionan cu ta hasi Aruba atractivo pa mas linjanan di carga tuma e ruta pa Aruba, asina disminuyendo riesgo di un situacion similar na Aruba.

ATIA ta intermediando tambe entre e linjanan di cargo, ASTEC y demas stakeholders pa mehoracion di servicio y soluciona algun reto cu ta afecta e operacion eficiente di nos waf. E meta ta pa comercio y pueblo di Aruba por disfruta di un bon servicio y cu e fluho di mercancia y comestibel ta uno constante y confiabel.

 

  • KVK a introduci directiva nobo durante New Year’s Celebration 2019

    KVK a introduci directiva nobo durante New Year’s Celebration 2019

    ORANJESTAD – Camara di Comercio y Industria Aruba (KvK) a organisa su tradicional “New Year’s Celebration”. Esaki ta tambe e prome di hopi mas evento cu KvK tin planea pa organisa durante 2019. E evento aki ta pa yama un bonbini na un aña nobo den compania di e miembronan di directiva di KvK. Un invitacion a wordo extendi den nomber di e directiva di KvK na diferente stakeholders y socionan comercial tanto den sector publico como sector priva pa nan ta presente na e evento social aki.

  • Buelonan di InselAir entre Aruba, Corsou y Bonaire ta cancela te diaranson

    Buelonan di InselAir entre Aruba, Corsou y Bonaire ta cancela te diaranson

    ORANJESTAD/WILLEMSTAD – InselAir a cancela tur su buelonan entre 18 pa 22 di di januari 2019 pa motibo di mantencion di avion. E aeroliña a pidi despensa pa e inconveniencia cu esaki por a causa. E cancelacion pues a cuminsa for di siman pasa diabierna. “Nos ta pidi despensa pa esaki y ta haciendo lo maximo pa percura pa tur pasahero yega nan destinacion mas lihe cu ta posibel” e comunicado ta bisa. Mas atardi un otro comunicado a clarifica cu ta trata pues solamente e ruta menciona ya cu pa e otro ruta, Corendon Airlines ta efectua e biahenan ey, manera pa St Maarten. Nan ta spera cu e avionan por ta bek den servicio pa diaranson. A pidi pa e pasaheronan check e status di nan buelo via nan portal, www.fly-inselair.com.

  • DIMP: Tin proceso pa esnan cu tin plachi di number di auto personalisa

    DIMP: Tin proceso pa esnan cu tin plachi di number di auto personalisa

    ORANJESTAD – Mientras cu e clientenan di DIMP cu tin plachi di number di auto no personalisa, a cuminsa busca di nan caba, pa e clientenan cu mester busca nan plachinan personalisa (naamplaat) tin e siguiente procedura. Asina e oficina di impuesto a informa diadomingo anochi.

  • Gobierno di Aruba a duna SMAC y MUSICA un aporte financiero

    Gobierno di Aruba a duna SMAC y MUSICA un aporte financiero

    ORANJESTAD - Gobierno di Aruba a duna SMAC y MUSICA un aporte financiero den forma di 50 y 25 mil florin respectivamente. Carnaval ta keda un actividad cultural, economico y turistico importante pa nos Pais. E organisacion, participacion y e musica ta locual ta haci e exposicion cultural aki posibel. Den cuadro di esaki Minister encarga cu Cultura a reuni cu Fundacion SMAC y Fundacion MUSICA pa brinda e  aporte financiero menciona pa por cubri un parti chikito di e gastonan grandi cu e organisacion di Carnaval ta trece cune. Minister Ruiz-Maduro den nomber di Gobierno a desea tur dos organisacion cu ta traha na bienestar di Carnaval di Aruba, hopi exito y ta spera cu na final di e periodo nos por wak bek na un Carnaval 65 exitoso yena cu un vibracion positivo pa nos Pais.

  • Gobierno y douane a splica e aumento di tarifa di bebida y cigaria

    Gobierno y douane a splica e aumento di tarifa di bebida y cigaria

    ORANJESTAD - Departamento di Aduana conhuntamente cu gobierno di Aruba ta informa pueblo en general encuanto e aumento di e tarifa di Aduana riba e impuesto di importacion y di consumo (accijns) riba bebida sterk, bin?a y tabaco. Esaki ta pa pueblo por ta bon na altura cuanto e aumento en realidad ta pa na momento di cumpra e productonan aki y por hasi un escogencia conciente a base di prijsnan realista. Bebidanan fuerte y tabaco tin di haber cu un subida di e tarifa di accijns y den e caso di bin?a tin un subida di e tarifa di impuesto di importacion.

  • Semeleer: Via LAFt, Gobierno di Reino a bira supervisor primordial di Gobierno di Aruba

    Semeleer: Via LAFt, Gobierno di Reino a bira supervisor primordial di Gobierno di Aruba

    ORANJESTAD – “Ta lamentable cu mientras cu conceptonan di ley a wordo presenta pa hiba finanzas di gobierno riba un rumbo sostenibel, tin cu nota cu un partido externo, den e caso aki gobierno Hulandes, mester a eherce presion extremo pa pone esaki na lugar pa medio di e ley di Laft, esta Landsverordening Aruba Tijdelijk Financieel Toezicht “. Na palabra, Presidente di Banco Central di Aruba Jane Semeleer durante e di dos simposio riba bon gobernacion diaranson anochi na Paseo Herencia. Su discurso a hala hopi atencion, ya cu ta poco biaha cu un presidente di e instituto financiero aki ta bin afo y papia, y sigur riba e tema aki. Fuera di Semeleer, Prome minister Evelyn Wever, PG Alexander van Dam, y Rocco Tjon tambe a hiba palabra. 

  • Powered by SETAR