- Wever: Fin di di dos cuartaal 2024, centro di Oranjestad ta haya mas luz
- Banco Central ta mantene e tasa di reserva obligatorio na 22,0 porciento
- DEA: Cabesante y docentenan ta sigui prepara pa introduci Papiamento na scolnan basico
- A.T.A.: Por Mira Documentario Blue Lizard Effect via nos Planta Nacional TeleAruba
- Corte: Caso ‘Isla di Oro’ ta sigui fin di luna awor, cu mesun huez
Ley di ‘General Data Protection Regulations’ drentando na vigor
ORANJESTAD - Aruba Hotel and Tourism Association (AHATA) a organisa e tayer “Outsmart Cyber and Privacy Threats”. Miembronan di AHATA a ricibi informacion riba e ley di privacidad. Ashley Jackson di Dykema y Paul Marchena di Atlas Risk Solutions tabata e oradornan di e tayer, nan a splica den detaye riba e ley di privacidad cu lo drenta na vigor dia 25 di Mei proximo. Ambos orador a trata henter e ley di privacidad, e proceso di cumplimento, con pa evita riesgonan, y tambe con pa sigura contra di e riesgonan.
Tabatin hopi interes di miembronan di AHATA riba e ley di data privacy, Union Europeo a pasa e ley aki 2 aña pasa, unda cu dia 25 di Mei proximo e ley nobo aki lo drenta na vigor, asina Jim Hepple, Acting CEO of AHATA, a indica. E ley aki tin regulacionnan hopi estricto riba privacidad di data di ciudadanonan den Union Europeo. Esaki ta nifica cu Aruba ta ricibi mas o menos 100 mil bishitante pa aña di Union Europeo y tambe hopi negoshante na Aruba ta haci negoshi cu organisacion nan Europeo. Como tal e tin su impacto. Door di esaki AHATA a suministra informacion actualisa na su miembronan di kico esaki lo nifica pa nan negoshi.
A atende tambe kico ta e multanan cu por tin si viola e ley. Esaki no ta solamente pa Union Europeo, pero tambe pa Merca, Canada y otro paisnan cu ta copiando e ley aki di cual ta birando mundialmente similar. E ta pone cu Aruba mester bay adapta no solamente pa Union Europeo, pero pa henter mundo.
Durante e tayer aki Paul Marchena, Commercial Director di Atlas Risk Solutions, a splica riba e ley “General Data Protection Regulations” (GDPR) y kico tur e ta encera. Tambe a splica di e pasonan cu e organisacionnan por tuma pa prepara nan mes, pa proteha nan mes bon contra riesgonan relaciona na privacidad di data y ki sorto di seguro tin, pasobra ta un seguro bastante specialisa pa cubri si algo bay robes den proteccion di data cu hotel of otro organisacion mester tin.
E industria ta realisa e peso di e ley aki. Tambe loke a logra durante e tayer aki tabata mas conscientisacion, pasobra turismo ta e pilar mas grandi di nos economia. Ta na su luga cu e organisacion por compronde importancia di e ley aki, pasobra ta trata aki di un ley internacional. Paul Marchena ta kere cu AHATA y su miembronan tabata entusiasma pa siña con importante e ta y kico nan por haci pa sigura cu nan ta keda “on top off”.
Pa Ben Figaroa, General Manager di Marriott Stellaris Casino, e tayer organisa pa AHATA hunto cu Atlas Risk Solutions tabata un “eye opener” pa hopi hende. Pa Marriott esaki ta un confirmacion pa loke nan team ta preparando durante añanan caba y como organisacion nan tin un plan con pa cumpli cu e ley nobo.
Ashley Jackson, Abogado di Dykema, hunto cu Paul Marchena a trata e topiconan di riesgonan relaciona cu “compliance issues” pa loke ta trata e GDPR den Union Europeo, como tambe e riesgonan di privacidad pa organisacionnan. E feedback cu Ashley Jackson a ricibi tabata hopi bon, pasobra ta invita turistanan pa bin Aruba pero no ta pensa riba e riesgo di cumplimento cu ta bin cun'e. Tur participante tabata receptivo y a regresa oficina pa sigui discuti e informacion cu nan a ricibi.
Banco Central ta mantene e tasa di reserva obligatorio na 22,0 porciento
ORANJESTAD - Conforme e tarea di e Comite di Maneho Monetario (CMM) pa evalua, determina y duna transparencia riba e accionnan di maneho monetario di Banco Central di Aruba (BCA), BCA ta comunica lo siguiente. Durante e reunion di 26 di februari 2024, CMM a dicidi pa mantene e tasa di e reserva obligatorio na 22,0 porciento entrante 1 di maart 2024. Di e manera aki, e banconan comercial mester tene un balansa minimo na BCA cu ta igual na 22,0 porciento di e depositonan riba termino cortico di nan clientenan. E decision pa mantene e tasa di reserva obligatorio ta basa primordialmente riba e reservanan oficial cu ta relativamente serca di e limite minimo di e ARA, apesar cu tanto e reservanan oficial como e reservanan internacional a keda adecua y ta premira pa permanece asina durante 2024. Adicionalmente, likides excesivo di e sector bancario ta mustra un tendencia ascendente durante e ultimo lunanan. Finalmente ta considera prudente di mantene e reserva obligatorio na su nivel actual, mirando crecemento continuo di credito y su efecto potencial riba reservanan internacional. BCA ta sigui monitorea e desaroyo den e reservanan y likides excesivo y lo por dicidi di cambia e tasa di reserva obligatorio, si ta considera esaki necesario.
Schlipken: Aruba ta spera 18 mil turista Brasilero den 2024
SAO PAOLO – Aruba ta spera 18 mil turista Brasilero den 2024. Asina e director di turismo di ATA pa Latino Americano, Jordan Schlipken Croes a declara e siman aki na e portal PANROTAS, durante e evento WTM Latin America na Sao Paolo. Segun Croes, Brazil ta e di tres mercado Latino mas grandi pa Aruba, despues di Colombia y Argentina. Ta mustra cu na 2023 tabatin 14 mil bishitante di Brazil pa Aruba. Segun Croes, un di e motibonan di e cifranan grandi aki, ta e gastonan di e Brasileronan den e pais. Pa por yega e cifra di 18 mil Brasilero, Aruba tin 4 strategia principal pa e pais, fuera di e participacion na e bolsa di turismo Brasilero. Esaki ta e.o. incentivonan cu e operadornan y agente di biahe, ya cu 70% di Brasilero cu ta biaha pa Aruba ta cumpra nan pasashi via agentenan di biahe.
Aeroliña Mericano a reduci prijs di pasashi pa Aruba cu 50% e siman aki!
BOSTON – E aeroliña Mericano conoci pa tarifa reduci, JetBlue a reduci su tarifa mas ainda, cu 50% pa biahero pa e.o. Aruba. Nan ta yame un deal special di 2 dia ‘Hit Refresh’, unda cu dentro di e dos dianan aki, e biaheronan mester cumpra e pasashi. Por usa e biahe entre 7 di mei pa 12 di juni y no tin asina yama ‘blackout dates’ osea dianan cu bo no por biaha. Pa Aruba e prijs a wordo reduci cu 50% di p.e $776 dollar te na $378 round trip. No ta algo inusual y ta algo cu nan ta haci frecuente, pero ta sigui interesante. Tur e pasashinan tin cu origina for di Boston.
DEACI a otorga mas di 100 permiso pa negoshi nobo caba den 2024
ORANJESTAD - Pa cuminsa un negoshi of haci cambio den e permiso pa negoshi segun ley, mester haci un peticion pa permiso di negoshi via e website di Departamento di Asuntonan Economico, Comercio y Industria (DEACI) y ta wordo otorga bou di responsabilidad di Minister di Asuntonan Economico.
Durante Seatrade 2024, islanan ABC a trata esfuersonan pa desaroyo regional
ORANJESTAD - E presencia di Aruba na Seatrade Cruise Global 2024, ta semper un paso significante pa fortifica colaboracion den e industria crucero y promove iniciativanan turistico cu e isla tin pa ofrece.
CAFT: Adapta presupuesto 2024 pa inclui surplus di 200 miyon di 2023
ORANJESTAD - Den su conseho recien tocante di e di dos modificacion di presupuesto stipula 2023 (BW), e colegio di supervision financiero CAft a indica cu e ta anticipa resultadonan positivo inespera adicional. Cu e di tres raportahe di ehecucion (UR) ta confirma e imagen aki. CAft ta anticipa cu Aruba lo por cera e aña cu un surplus di financiamento di mas cu AWG 200 miyon pa e sector colectivo, loke ta 3 porciento di e producto nacional bruto (bbp). CAft ta conseha Aruba pa emplea e resultadonan positivo inespera pa amortisacion di debe, loke ta necesario pa baha e presion presupuestario di e gastonan di interes y pa crea espacio pa otro gastonan necesario. Enbista di e hecho cu e resultado lo sigui impacta na 2024, CAft ta pidi boso pa adapta e presupuesto na e dato aki den e prome BW 2024.
Follow NoticiaCla
