Aserca Airlines a para su operacion definitivo na Venezuela

CARACAS – Despues cu Instituto Nacional de Aeronáutica Civil (INAC) a suspende e operacion di e aerolinea Venezolano Aserca Airlines na februari ultimo pa falta di seguro pa su flota, e aerolinea a para su operacion definitivo awe. E informacion ta cu despues di 25 aña di operacion, el a entrega su certificaco di explotador di Servicio Publico di Transporte Aereo na INAC.

FEBRUARI

Manera NoticiaCla a raporta caba na februari, e aerolinea e tempo ey mes a emiti un comunicado riba nan portal, cu nan a suspende nan operacion temporalmente pa motibonan tecnico pa cual no por bula entre 15 pa 23 di februari 2018, sin bay den detaye di e motibonan tecnico. Esaki ta bira e di dos aerolinea e aña aki caba cu Venezuela ta ‘ground’ (e prome tabata Santa Barbara Airlines). E diferencia aki ta cu Aserca Airlines si tabata bula pa Aruba y den januari di e aña aki ainda tabatin 4 buelo pa siman segun vocero di aeropuerto Reina Beatrix. NOTA: e potret ta uno di archivo di un avion di Aserca aterisando na Aruba.