Aunke ta bin cu begrotingskamer no ta bay exclui CAFT

ORANJESTAD – E hecho cu tin un suma poni riba presupuesto 2018 pa e begrotings kamer, no kier men necesariamente cu bo ta exclui CAFT. Asina prome mandatario di Aruba Evelyn Wever Croes a bisa NoticiaCla e siman aki. Tabata siman pasa durante tratamento di presupuesto di Raad van Advies, a nota cu e tabata riba e presupuesto. Pero segun Wever, esaki ta simplemente pasobra e ta poni den programa di gobernacion di gabinete Wever Croes.

SET UP

E intencion (manera ta para tambe den e presupuesto menciona) ta pa ‘set up’ e camber di impuesto e aña aki. Pero de hecho e aña aki ainda e camber no tin ningun trabou pa haci legal pe, pasobra ainda CAFT ta na vigor y lo keda na vigor te (por lo menos) fin di 2018. “E pregunta si nos ta bay alcanza pa keda cla pa fin di aña pa otro aña begrotingskamer por cuminsa funciona” Wever a bisa. Pero mientrastanto CAFT tey. “E ley di LAFT ta un ley cu ta duna CAFT autoridad te e aña aki na e comision . Ya pa otro aña esey no tey mas” Wever a bisa. E la mustra cu no ta gobierno actual a dicidi esey sino esun anterior, esta gabinete Eman. Segun Wever esaki a bay cu manipulacion pasobra Eman e tempo ey a priminti gobierno Hulandes cu e aña aki lo tin un presupuesto balansa.