Reino Hulandes mester dicidi ainda si ta reconoce eleccion di Venezuela

ORANJESTAD - “ Dentro di e siguiente dianan ta bay evalua exactamente con e eleccion (presidencial di Venezuela) a bay y si ta reconoce si of no”. Asina prome minister di Aruba Evelyn Wever Croes a bisa NoticiaCla dialuna. Mientras cu asunto di relacionnan exterior ta algo cu Reino Hulandes ta atende cune, Wever a ripiti e posicion ey pa loke ta e resultado di eleccion presidencial di Venezuela. E pregunta ta a raiz di e hecho cu varios pais a bisa caba cu nan lo no reconoce e resultado di e eleccion.

REACCION

Wever a sigui bisa cu a bisa delanta caba cu si e eleccion no bay den un forma ‘fair’, cu Reino Hulandes lo no reconoce e resultadonan. “Pero esey nos ta keda pendiente riba nivel di Reino” Wever a sigui bisa. Pero riba un tono mas local, segun e prome mandatario, irrespecto kico pasa, nos ta pais hopi cerca di otro, cu ta pone ta prefera pa no mete cu asuntonan interno di e pais. “Y e no ta bay tin efecto riba nos tampoco” Wever a bisa.