Bikker: Kier pidi DUCAPRO pa wanta fecha pa cobra royalties na radio emisoranan

ORANJESTAD – Gobierno lo pidi abogado representante di e compania DUCAPRO esta David Kock, pa para e fecha di introduccion di cobranza di royalties. Asina minister di husticia Andin Bikker a bisa den un conferencia di prensa dialuna mainta. Tambe lo kier sa con e suma di 3000 florin cu DUCAPRO kier cobra radioemisoranan ta consisti di dje, y e garantia cu tin cu e artistanan di berdad lo haya nan placa. E mandatario kier sa tambe pakico ta usando un compania Canades, siendo cu tin un compania Hulandes den region caba encarga cu esaki.

CARTA

Segun Bikker, ora cu bo demanda un tipo di suma pa cobra, mester por substancia acerca den e carta, a base di kico ta yega na un suma pa cobra, cu den e caso aki ta 3000 florin. E mester splica tambe ken ta e clientenan cu e ta representa.