Office Systems Aruba orguyoso di a muebla Prinses Amalia Basisschool

ORANJESTAD -Recientemente Office Systems Aruba a keda completamente cla cu entrega di muebles di skol y tambe tur equipo pa gymzaal na Prinses Amalia Basisschool na Sero Blanco. Tur muebles y equipo di gymzaal a bin di Europa y ta di un calidad duradero. Como cu e instalacion di e gymzaal ta algo hopi specialisa Office Systems Aruba a haci esaki conhuntamente cu un experto di e fabrica pa asina garantiza un bon trabao y seguridad di e muchanan cu ta bai haci uso di e instalacionnan nobo di gymnastiek cu tin.

E mueblesnan den e klasnan a keda cla y ya caba e muchanan ta haciendo bon uso di dje. E maestronan naturalmente a keda hopi contento cu tur e muebles y instalacion nobonan aki.

"Nos ta contento di mira con bunita e scol aki a keda y cu nos di Office Systems tambe a aporta na esaki", Sr. Geoffrey Jacobs di Office Systems Aruba a bisa.

Juffrouw Maureen, hefe suplente di Prinses Amalia Basisschool, a gradici Sr. Geoffrey Jacobs di Office Systems Aruba pa e bon cooperacion y excelente servicio cu Office Systems Aruba a duna e skol durante tur e entrega y instalacion. Alavez Office Systems Aruba a entrega Prinses Amalia Basisschool un regalo cu nan lo por haci bon uso di dje.

Pa tur bo muebles of material nan pa oficina nos ta invita bo pasa bishita nos showroom of like nos facebook page pa asina bo keda altanto di tur nos promocion nan.