Wever: Miedo cu otro compania si por embarga CITGO na Aruba

ORANJESTAD – Den cualkier clase di contexto di un structura di un compania manera PDVSA holding, cu ta e compania madre di CITGO Aruba, e unico cos cu por perde peliger den CITGO Aruba, ta e accionan cu PDVSA holding tin. E structura cu a wordo scohi pa opera na Aruba ta diferente cu esun na Corsou y pesey segun minister di energia di Aruba Evelyn Wever Croes no a logra pone beslag na Aruba. Segun Wever, Conoco Phillips no a bin busca zeta na Aruba. Si a haciele bon, ConocoPhillips lo a pone embargo riba e accionnan. Pero no a hacie pasobra tabatin un fianza haci pa PDVSA cu ta pone cu parti di e accionnan di CITGO ta den man di Rusonan. “Pues e no ta facil” Wever a bisa. “Ya caba mitar di nan ta den man di ruso, e otro ta den man di Venezuela. Esey ConocoPhillips por pone un conservatoire beslag ariba. Pero na Aruba mes, no por bay na un pomp di gasoline y pone beslag, pasobra e no ta di CITGO of PDVSA. Si tabatin un barco di gasoline cu tabata bin Aruba, y e barco ta di CITGO y ConocoPhillips convence un huez cu e barco ey ta barco di PDVSA, e lo por tabatin exito. Pero e no a logra” Wever a finalisa bisando.