ORANJESTAD – E situacion di coriente a causa hopi molester na Aruba, segun minister di energia Evelyn Wever Croes den un conferencia di prensa dialuna. “E situacion a irita hende cu na un pais asina, nos tin pasa den tipo di interupcionan di coriente cu ta destabilisa tur cos. Y esey ta algo cu nos ta lamenta profundamente” Wever a sigui bisa. A pidi un investigacion pa wak kico ta pasando cu e problema di coriente ta birando mucho frecuente. “Y principalmente pa nan bisa nos kico tin cu pasa pa e cosnan aki no sigui sosode” e minister di energia a bisa. A mustra cu unabez cu e resultado di e investigacion keda cla, esaki lo keda divulga pa WEB mes.
ORANJESTAD – Conocido presentador di television Hulandes Yvon Jaspers a tende cu e ta un condecorado Real, ora cu e tabata na Aruba e siman aki. E la yega Aruba diahuebs, y a haya e yamada diabierna mainta. Pesey e no por a ricibi e premio personalmente. Tabata alcalde di Loenen aan de Vecht, di su premio, cu e la ricibi pa su trabou di television. E ta enfoca riba e bida di cunukeronan Hulandes entre otro.
ORANJESTAD - Diabierna 26 di april 2024 pa 7’or di mainta (ora local) a publica e edicion special di Staatscourant incluyendo un lista di e personanan na kende a otorga un Condecoracion Real e aña aki. Tradicionalmente e momento festivo aki, tambe conoci como Ocasion General, ta relaciona cu e cumpleaño di Su Mahestad, Rey Willem-Alexander, cu ta e Granmaestro di e condecoracionnan. Por otorga un condecoracion na personanan cu a duna un contribucion special na e sociedad.
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.