PwC Dutch Caribbean ta explora oportunidadnan nobo

ORANJESTAD – E compania cu tabata opera bou di e brand PWC (PriceWaterhouseCoopers) ta cambia di brand. Den un comunicado di e compania a mustra cu como partnernan di PwC Dutch Caribbean nos a haci un analisis profundo y a yega na e conclucion cu e modelo comercial actual no ta esun cu ta na e miho interes di nos clientenan. Y pa e motibo aki PwC Dutch Caribbean a dicidi di haci un cambio cu lo sirbi e interes di nos clientenan miho. E cambio lo ta entrante Juli 2018.

PwC Dutch Caribbean a bisa cu nan ta mira atras riba un relacion placentero cu PwC Global y ta valora e relacionnan cu nan a cultiva den transcurso di an?anan y ta desea tur nan coleganan di PwC Global lo miho pa futuro.

E compania lo keda operacional riba e islanan di Aruba, Bonaire, Curac?ao y St. Maarten. Na e momentonan aki PwC Dutch Caribbean ta den e etapa final di discusionnan cu un otro compania internacional prominente den e red di accountantnan y conseheronan y cual ta un compania cu nos ta sinti ta pas miho den e mercado cu nos ta sirbi diariamente. “ Pa fin di e luna aki nos lo por elabora mas riba nos plannan pa futuro.

Como partnernan di PwC Dutch Caribbean nos ta considera e desaroyo aki uno excitante y ta sigur cu e paso aki lo laga nos realisa nos obhetivonan na e miho interes di nos clientenan y comunidad en general” e comunicado a bisa.

Nos ta hopi entusiasma cu e oportunidad cu e desaroyo nobo aki ta crea pa nos hendenan, nos clientenan y e organisacion” e compania a sigui bisa.