Aeropuerto di Aruba ta sigui operacional no obstante blackout

ORANJESTAD – Aeropuerto di Aruba ta sigui operacional awe mainta no obstante e hecho cu tin un blackout. Asina vocero di aeropuerto Hendrik Croes a confirma pa NoticiaCla. “ Airport ta operacional, pero riba e sistema di coriente cu ta e back up di emergencia” Croes a bisa. Ademas Croes a sigura cu tur buelo ta sigui manera planea, pues tur pasahero mester yega airport segun e proceso regular cu ta 3 ora prome cu buelo. “Por experiencia algun fila, debi cu ta trahando riba e sistema di coriente pa back-up, pero asina cu e situacion normaliza e proceso lo cana sin particularidad” Croes a finalisa bisando.