Truck di ATV destrui pa candela diahuebs mainta

ORANJESTAD – E conocido unidad mobil di e canal di television Aruba Television (ATV), a keda completamente destrui pa candela diahuebs mainta. Para den cura di un di e operadornan, esaki a indica cu e la tende un explosion, y ora cu e la bay pafo, e truck tabata completamente na candela. Bomberonan no por a haci nada mas pa esaki, sino paga loke por a paga. E motibo di e candela no ta conoci, y ta un misterio pa trahadonan di e canal di television, pa cual e truck a opera 18 anja, y tambe pa autoridad. Como tal autoridad a inicia cu un investigacion mesora pa saca afo kico por a sosode. Rumornan tabata hopi, unda cu entre otro tabatin menciona cu esaki lo tabata algo intencional, aunke no por confirma esaki. E truck a bolbe un dia prome for di garage unda cu e la pasa den un inspeccion completo. E truck mes, ta mes bieuw cu e canal su existencia, esta 18 anja. Trahadonan di e canal sigur tabata tristo henter dia, no tanto pa e parti material, sino mas pa e balor emocional y historia cu e truck a produci cu grabacionan den 18 anja di tempo. E canal tabata den pleno celebracion e siman aki, y awor ta haya nan mes cu un situacion fastioso asina. E truck por cierto ta e prome truck di television cu por a produci transmicionan en vivo na Aruba.