Caribbean Sea Jazz Festival # 8 ta cuminsa diabierna

ORANJESTAD – Tur cos ta cla pa e di 8 edicion di Caribbean Jazz Festival. Un ultimo conferencia diahuebs a produci algun artista en bibo manera Jazzanova Dj Set y algun otro. Pa motibo di privacidad y seguridad, no a participa e detayes riba e artista Prince Royce ainda, manera su ora di yegada, y su presentacion na e scol ganador diabierna mainta.

E line up pa diabierna 3 di October 2014 ta Prince Royce, Grupo Gualao, Shuffle Demons, Ryan The Harte, Sazon Cubano, Jazzanova Dj Set ,Weapons of Mass Percussion, N Fuzion, Kross-Hart Project, School of Music Ensemble y Alydia Wever.Liv Warfield & NPG Horns, Candy Dulfer, Eric Calmes & Friends, , Richard Bona Quintet, Tsunami, Down Town Dixie Society, Charles Brouwers y Chencho Kelly lo percura pa e anochi di 4 di October 2014.

Iniciado di e festival Erik Jan Eman a splica cu tur preparacion tecnico y organisatorio ta canando segun plan. E aña aki e organisacion ta contento pa anuncia cu lo amplia e seccionnan di VIP cu un area di VIP cu lo wordo construi parcialmente den lama. Esaki ta algo unico pa Aruba. Tambe Eman a elabora cu Prince Royce a confirma di lo duna un mini-concierto pa muchanan di un scol basico. E detayenan di e campaña lo wordo anuncia despues.

Ya caba e entradanan aki ta obtenibel na Plaza bookshop, Super Food, Panaderia Espiga di Oro, Valero Blvd, Valero Essoville, Café de Plaza, Moomba, El Gallo Rojo, Fun Miles, Cliffix y De Palm Tours desks. Por bishita www.caribbeanseajazz.com pa mas informacion.