AZV lo paga operacion di baby Lunah pero apela sentencia tambe

ORANJESTAD – Manera cu NoticiaCla a raporta den forma di primicia dialuna mainta, huez e dialuna ey a dicidi na fabor di famia Rijksen y a dicta cu AZV tin cu cubri e gastonan medico di Lunah Rijksen cu actualmente ta na Merca. “AZV lo cumpli cu e sentencia y lo paga e gastonan di un eventual operacion di curazon di Lunah Rijksen” e comunicado ta confirma.

APELA

Mes momento AZV ta bisa si cu mirando cu esaki ta un caso di principio pa AZV tocante interpretacion di e ley di AZV, lo apela e sentencia. “Ta importante pa tin claridad tocante e interpretacion di kico ta un tratamento usual den e grupo di profesion di specialista medico” e comunicado ta finalisa bisando.