Merca ta elogia KPA pa cu combatimento di droga

WASHINGTON – Aruba su cuerpo policial (KPA) a haya elogio y reconocemento grandi di departamento di estado Mericano (State Department) den nan ultimo raportahe international di narcotico esta e International Narcotics Control Strategy Report. “Aruba su cuerpo policial (KPA), ta continua evoluciona den un lider regional contra e guera contra traficacion illegal di droga y organizacion transnacional criminal”, e rapport ta bisa di Aruba. Ademas, e ta mustra cu tanto Corsou como St Maarten por usa Aruba como ehempel con pa set up un structura di combatimento di droga.

E RAPPORT

E rapport ta sali dos biaha pa aña unda cu Merca ta rate tur paisnan di mundo riba e.o. e tereno aki. Pa hopi aña Aruba tabata riba lista preto di Merca pa traficacion di droga. Awe Aruba ta un ehempel. E rapport ta sali na maart y na November tur aña y aki ta repasa e status di sea mehoracion of deteoro di e esfuerzonan di cada pais.

ARUBA

Pa loke ta Aruba, State Department ta bisa cu KPA a tuma e posicion delantera den colecta y comparti inteligencia cu partnernan den region. Ademas e ta bisa cu “no obstante problemanan sistematico di sobre poblacion di prison y falta di fondo, KPA ta continua investiga traficacion di organizacionnan efectivamente.

EHEMPEL

Aki ta unda cu ta mustra cu Aruba ta ehempel cu islanan manera Corsou y St Maarten tin cu sigui. “Corsou y St Maarten ainda ta estableciendo structuranan pa combati droga entre varios di nan agencianan. Ta imperativo cu ambos isla usa cooperacion regional y esfuerzonan di comparti inteligencia. Tanto Corsou como St Maarten por mira na Aruba como ehempel di con esaki mester tuma lugar” e rapport ta finaliza bisando. Por lesa e rapport completo AKI.