CAFT ta repasando presupuesto 2018 di pais Aruba

ORANJESTAD – Contrario na pensamento cu e hecho cu presupuesto 2018 di pais Aruba ta aproba pa Parlamento y firma pa Gobernador cu Aruba cu esaki ta nifica cu e cla, esey no ta e caso. Manera palabracion, e colegio di supervision financiero (CAFT) awor ta scrutinando e presupuesto actualmente. Y ta despues di nan evaluacion, por deduci si Aruba a cumpli cu e colegio su puntonan of no.

NA TEMPO

For di CAFT, NoticiaCla a haya confirmacion cu nan a ricibi esaki enberdad prome cu dia 30 di april, esta dia 27 di april cu de hecho ta un dia di fiesta. Segun palabracion, nan lo tin 2 siman pa scrutina esaki y bin cu nan comentario pa gobierno (lesa: minister di Finanza). Gobierno na su turno tin cu reacciona riba e comentario di CAFT, pa e colegio aki duna su 'veredicto' final. Unabez cu nan caba scrutina esaki y aproba esaki, Aruba por bisa cu e por keda trankil y cu Aruba ta libera di un ‘instruccion’ of un asina yama aanwijzing. Tres siman despues di esey, e documento lo keda publica riba nan website manera ta custumber.