Cushina di Café de Plaza cu a kima completamente, operacional caba

ORANJESTAD – Apenas 24 ora despues cu e cushina di Café the Plaza restaurant , -situat den Renaissance Market Place-, a kima completamente, nan a logra keda cla pa habri diahuebs caba. Esaki a keda notifica pa e gerencia di e restaurant na NoticiaCla.com diahuebs merdia. Manera ta conoci, den oranan di diaranson marduga, un candela a destrui e cushina di e café. “Nos kier a gradici personal di brandweer cu a sa di domina e candela diaranson marduga y no laga esaki sigui expande den e area di e restaurant” e representante di e café a sigui bisa. “ Tambe nos kier a gradici nos staff y tur otro personal cu a yuda desde ayera diaranson continua bisando. Café the Plaza restaurant ta un restaurant conoci cu ta celebrando su di 23 aniversario e luna aki. E foto ta di Cafe de Plaza saca diahuebs mainta.