Cu yegada di Beenie Man, Karol G y otronan: Aruba completo ta cla pa Flip Flop Festival 2018 awe nochi!

Posted on 04/30/2018 5:58 pm AST | Updated on 04/30/2018 5:58 pm AST

(ADVERTORIAL) ORANJESTAD - Despues cu diasabra anochi e prome evento di Flip Flop festival a tuma luga, e anochi di apertura den Emotions y diadomingo, e Pool Party den Renaissance, awe nochi tur cos ta cla pa e gran concierto. Exactamente 6'or di atardi, portanan ta habri di Bushiri Beach Arena, pa e di 8 edicion di Flip Flop Festival. Ya caba den fin di siman Karol G, Beenie Man, Freddy Moreira y algun di e otro artistanan grandi a cuminsa yega Aruba . Awe durante dia e resto lo ta yegando Aruba.

Mirando e cantidad di carchi cu a wordo bendi, ta premira di ta un anochi sumamente exitoso riba e beach di Bushiri. Aruba lo bay haya un anochi sumamente varia cu diferente genero cu lo wordo presenta door di artistanan internacional y tambe local. Pa loke ta e bandanan local, Aruba lo ta representa pa Tsunami, Le Groove y diferente DJ's. Internacionalmente lo ta riba escenario Karol G, for di Colombia, Beenie Man for di Jamaica, Alborosie for di Jamaica y tambe Fat Joe for di New York. Tambe lo t’ey DJ cre-8 y tambe Freddy Moreira. E tan spera presentacion di Jeon tambe tin hopi persona speculando kende lo ta e special Guest Star. Esaki sigur lo bay ta un sorpresa ameno pa e publico completo cu lo ta presente na Flip Flop Festival.

Apesar di musica, lo tin tambe diferente truck di cuminda y BBQ pa e publico por come. Brouwerij Balashi y Tropical tambe a prepara un tremendo bar. Importante pa menciona ta cu hobennan di 16 y 17 aña por bay e evento, pero nan mester ta acompaña di a lo menos un adulto. Den fin di siman por a mira con e trabaonan di escenario a keda completamente cla. Esaki ta den man di e profesionalnan di Elite Productions. Un escenario sumamente grandi cu efectonan di luz, completamente moderno. Zonido naturalmente tambe ta hopi importante ora di e eventonan aki y despues di por a presencia e sound check diadomingo atardi, por bisa cu e zonido ta hopi bon.

Ainda tin carchi na benta pa loke ta trata e seccion general. Esaki ta na balor di 75 florin pero lo bay bira un tiki mas caro na porta. Por cumpra ticket na Citgo Boulevard, Citgo Palm Beach, Citgo Santa Cruz, Citgo Essoville y tambe online riba e website di Flip Flop Festival Aruba. Ta gradici tur esunnan cu ya a cumpra nan carchi y otro patrocinadonan cu a haci e evento aki posibel.

Flip Flop Festival is Powered by Chill Beer, Digicel, JDB Agency and Elite Productions & Entertainment.

  • Powered by SETAR