Ganadora di CMB su biahe pa Paris ta conoci

ORANJESTAD - Recientemente bo banco amigo Caribbean Mercantile Bank N.V. a lansa un campaña relaciona cu e cambio na e sistema nobo di online banking. CMB ta sumamente contento di por anuncia e ganadora di su campaña, Sra. Jeanne Ecury cu a bay cu e premio di un biahe pa dos persona pa Paris, Francia, incluyendo 1,000.00 Euro den effectivo pa gasta na gusto. Sra. Ecury ta un pensionada y fiel cliente di CMB pa various aña y ta haci uzo frecuente di su online banking.

Sra. Ecury ta conta cu e lo biaha pa Paris hunto cu su esposo cu a compañ’e pa busca su premio cerca representantenan di CMB, Sra. Natalie de Cuba y Sra. Lindsey Wever. Tur cliente cu a cambia pa e sistema di Online Banking nobo prome cu 19 di april 2018 a participa automaticamente den e tombola digital pa gana e biahe pa Paris. Clientenan cu ainda no a haci e cambio pa e sistema di Online Banking nobo por bishita www.cmbnv.com, click riba ‘Online Banking’ y upgrade pa un servicio mas facil y moderno. Chat cu bo banco amigo riba e plataforma di eAmigo.com pa cualkier asistencia.