Compania di exploitacion parke molina Urirama sigur di nan caso

ORANJESTAD – Director di e compania di exploitacion di e parke di molina pa Urirama Henk Hutting a sigura cu e ta gana e caso den corte cu tin contra e proyecto pa su permit di molester (hindervergunning). Asina el a declara na partner di NoticiaCla Ret Caribense. NoticiaCla a raporta caba e siman aki cu prome minister di Aruba Evelyn Wever durante tratamento di presupuesto 2018, a bisa cu definitivamente gobierno lo no permiti e parke bin na Urirama y cu ‘no ta bay adapta e Ruimtelijke Ontwikkelings Plan pa acomoda e parke.

RESISTENCIA

For di e anuncio di e parke na 2009 tin resistencia. Especialmente di e barionan den cercania. Tambe tin protesta pasobra e ta keda muchu cerca di e capia di Alto Vista, cu como misa catolico di mas bieu ta un destinacion turistico popular tambe. Pero exploitado Windpark Urirama NV a haña un permit di molester. Pero un grupo di habitante ta bringa esaki hopi tempo caba. Gabinete ainda no a retira e permit i tin un caso administrativo ta core ainda na Corte Comun. Director di e compania di exploitacion Henk Hutting ta bisa ku e ta sigur di su caso. “E hueznan a puntra abogado di gobierno directamente kico lo ta ilegal na e proyecto. E no por a contesta. Tambe a rechaza e peticion pa pospone e trato di e caso.” Sentencia ta riba 4 di juni

Dilanti huez atrobe

Prome minister Wever-Croes ta bisa cu ta ‘intencionalmente’ no a retira e permit di molester pasobra e ora ey no por tene e procedura di scucha. Esaki gabinete ke prome pa despues retira e permit pa e sentencia. I despues bay negosha cu e exploitado. E ta bisa si cu chens ta grandi cu esaki lo hiba gobierno dilanti Hues. Wever-Croes ta kere cu e gobierno anterior a hasi ‘un cantidad di promesa cu ta bay hopi leu’ na e explotado. Cua i con gobierno ta mara na esakinan, segun e no ta cla ainda.

Cu colaboracion di Ret Karibense y Ariën Rasmijn. Foto archivo parke di molina Vader Piet.