Autoridad a haya hopi producto caduca y daña den supermercado

ORANJESTAD - Cuerpo Policial Aruba conhuntamente cu diferente departamentonan, manera Economische Zaken y Volksgezondheid a haci un control ariba diferente supermercadonan den Oranjestad. For di mainta trempan a cuminsa haci control den diferente barionan manera: Madiki, Dakota, Wayaca y Havenstraat.

Durante control a constata basta productonan caduca cu tabata wordo bendi pa publico. Na diferente supermercado e prijs no tabata cuadra cu e prijs di gobierno nan tabata muchu caro pa wordo bendi. Mayoria di supermercadonan tabata tin productonan daña sea ta carni, berdura, fruta y productonan den bleki. A constata djaca tambe den algun di e supermercadonan asina tambe nan a wordo sera mesora pa publico pa por haci limpieza.

Segun cuerpo policial, lo sigui haci su control debido na cualkier supermercado. Nan mensahe na comunidad ta pa paga tino y wak bon riba e producto su fecha di vencimento y wak bon si e producto ta daña.