Wever: Cantidad record di mocion presenta no ta refleha malo riba gobierno

ORANJESTAD – E hecho cu tabatin asina hopi mocion durante tratamento di presupuesto 2018 di gobierno di Aruba no ta algo malo. Asina prome minister Evelyn Wever Croes a sigura NoticiaCla diaranson mainta durante un conferencia di prensa. Un di e criticanan tabata di ex prome minister Nelson Oduber unda cu nunca antes tabatin un ‘fiesta’ di mocion unda cu a trata no menos cu 85 mocion y cu esaki ta bisa algo di e gobierno. “E no ta refleha riba e programa di gobiernacion. E ta refleha riba e mal maneho cu tabatin durante 8 aña (di gobierno anterior” Wever Croes a contesta.

REACCION

Segun Wever, e solo hecho cu fraccion di AVP mes a entrega asina hopi mocion, y nan no a tribi di haci esey durante e ultimo 8 aña e ta bisa algo. Diripiente tin esaki y e fraccion di coalicion a bin cu cosnan dilanti cu nunca antes a wordo regla prome. “Esaki ta un señal cu no tin un stempel parlement” Wever Croes a bisa. E prome mandatario a keda avisa pa MEP cu enberdad lo a bin hopi mocion. “Ami no ta weita esaki como algo malo, algo sumamente positivo” Wever Croes a bisa.

MOCION

Mocion ta simplemente un deseo, y ta bay evalua kico tur lo por haci y si por cumpli cu e deseo.