Mocion pa para independisacion DPS definitivamente aproba den Parlamento

Mocion pa para independisacion DPS definitivamente aproba den Parlamento

Posted on 04/24/2018 11:57 pm AST | Updated on 04/25/2018 12:11 am AST

ORANJESTAD – Parlamento a aproba e mocion di AVP pa ‘cancela den forma definitivo’ e plan pa independiza scolnan publico cu 18 vota pro y 2 a vota contra. Mes momento e mocion ta pidi pa informa scolnan publico y persona di scolnan publico di e decision pa cancela den forma definitivo e plan di independisacion di scolnan publico. E cancelacion definitivo di e plan aki ta inclui e plan pa independisa Colegio EPI.

SLA PA RED

E mocion aki por ta un sla pa partido RED y su minister Rudy Lampe mirando cu ta su persona a inicia e proceso pa independisa DPS, esta Dienst Publieke Scholen. No ta conoci ki efecto esaki lo tin pa cu e gabinete, pasobra un mocion no ta un ley y ta simplemente un deseo pa keda ehecuta. Sinembargo den e caso aki mayoria di Parlamento a vota contra, pues mientras cu e no ta un ley y cu minister por te cierto caminda sigui cu e plan, e no tin sosten den Parlamento y si e mester e sosten aki pa pasa e ley, e lo no tine. Por lo menos no awor. No ta conoci si despues di un tempo ora cu tin mas informacion, cu e desicionan di diamars anochi por cambia. Lesa e mocion AKI.

  • Minister mes tin duda cu Watty Vos Blvd lo ta cla na tempo

    Minister mes tin duda cu Watty Vos Blvd lo ta cla na tempo

    ORANJESTAD – Situacion di trafico na Aruba ta bay solamente bira mas pio den e proximo lunanan. Asina e minister di infrastructura Otmar Oduber a confirma durante un conferencia di prensa diahuebs mainta. Tabata NoticiaCla cu a puntra e mandatario si e ta para tras di su palabranan di diamars ultimo den Parlamento unda cu el a bisa cu e mes ta duda cu e trabounan di Watty Vos Boulevard ta bay keda cla pa augustus proximo segun e contract cu e compania Mota Engil. E mandatario na e occasion a sorprende tur hende, bisando cu e mes no ta kere cu e trabounan lo keda clan a tempo.

  • Gobierno a contesta companianan di heavy equipment for di diamars

    Gobierno a contesta companianan di heavy equipment for di diamars

    ORANJESTAD – No tabatin ningun deadline stipula cu e grupo di compania di heavy equipment segun minister di infrastructura Otmar Oduber. Asina e ta contradeci declaracion di entre otro e propietario di e compania Cala Romana, Patrick Bossett siman pasa durante un conferencia di prensa. Segun Bosset, a duna gobierno te cu diaranson ultimo 20 di maart pa concretisa e commission cu mester bay evalua e situacion di cobamento di santo. E mandatario a mustra cu diamars atardi caba tur compania a haya un carta cu ta inicia e proceso aki. Aki a mustra e decreto ministerial firma pa e tres ministernan caminda cu a invita diferente grupo cu lo ta participando den esaki.

  • Oduber: Un cantidad record di 120 keho a wordo entrega contra ROP

    Oduber: Un cantidad record di 120 keho a wordo entrega contra ROP

    ORANJESTAD – Un cantidad record di 120 persona y instancia a entrega nan obhecion (zienswijze) pa cu e Ruimtelijk Ontwikkelings Plan (ROP) nobo. Asina minister di infrastructura Otmar Oduber a bisa NoticiaCla diahuebs mainta durante un conferencia di prensa. E grupo di persona y of instancia cu a entrega nan zienswijze awor lo haya un carta di DIP cu ta reconoce cu a haya e keho y cu e lo wordo procesa. Lo sea acomoda e keho den e ROP nobo den un capitulo, of lo atende cu esaki den un forma  siguiente manera ley ta prescribi. 

  • Gobierno a firma MoU cu compania di helicopter pa Aruba

    Gobierno a firma MoU cu compania di helicopter pa Aruba

    ORANJESTAD – Gobierno di Aruba (lesa Minister Andin Bikker:red) a firma un MoU diabierna cu e e empresa Colombiano SADI pa provee servicio di helicopter pa Aruba. E helicopter mes no a logra yega Aruba ayera debi na e restriccion aereo entre Venezuela y Aruba , pero e mandatario a priminti cu prome cu 18 di maart e helicopter lo ta na Aruba. A compronde cu e helicopter cu lo bin, ta uno temporal, mientras cu esun fiho ta wordo pinta aworaki ainda. Unabez cu e ta na Aruba e helicopter lo staciona na un post nobo na kazerne di Bombero na Tanki Flip. Esey ta haci tambe cu e salida di e vehiculonan di bombero awor lo ta diferente, pa no stroba e helicopter. E aparato actualmente ta na Riohacha Colombia, despues di a sali di Bogota.

  • Merca a de-blokia sumanan pa Fase 2 di CITGO por sigui

    Merca a de-blokia sumanan pa Fase 2 di CITGO por sigui

    ORANJESTAD – Autoridad Mericano a aproba pa de-blokia sumanan necesario pa e di dos fase di e refineria su upgrading por continua. Asina Prome Minister Evelyn Wever a informa diasabra mainta. “ Despues di hopi esfuerso negociando cu autoridadnan mericano, nan a otorga un “General License 7a” pa nos refineria por continua cu fase 2” Wever a cuminsa na bisa. Manera ta conoci Fase 2 a wordo para abruptamente ora sanccionnan mericano a blokia e fondonan necesario dos siman pasa y hopi empleado a wordo retira. 

  • Oduber: Gabinete anterior a duna permiso pa Embassy Suites na Aruba

    Oduber: Gabinete anterior a duna permiso pa Embassy Suites na Aruba

    ORANJESTAD – Ta e gabinete anterior (Eman II) a firma y duna luz berde pa e proyecto di Embassy Suites by Hilton. Asina Minister di Turismo Dangui Oduber a bisa NoticiaCla diaranson como reaccion riba e noticia. E ta confirma cu no ta algo nobo, sino algo di 4 aña pasa, y nan tin 2 aña den construccion caba. “Embassy Suites ta parti di e 7000 cambernan di sea condo of hotel cu nos gobierno a hereda for di gobierno anterior” Oduber a bisa mas specifico. E ta haya straño cu awor tur hende a bin cay riba dje. Pero manera NoticiaCla a raporta un dia prome, ta awor Hilton a haci e anuncio official. 

  • casino crystal.5
  • Powered by SETAR