Xander Bogaerts a wak accion atrobe awe aunke den Triple A

Xander Bogaerts a wak accion atrobe awe aunke den Triple A

Posted on 04/24/2018 11:37 pm AST | Updated on 04/24/2018 11:37 pm AST

BOSTON – Despues di tabata for di circulacion pa 10 dia debi na un lesion na su pia, awe e pelotero Arubano Xander Bogaerts a hunga y wak accion, aunke no den su liga regular. Bogaerts a forma parti di e lineup di Pawtucket den Triple A, unda el a luci den bateo y bati un homerun y un doblete. E intencion ta pa diaranson Bogaerts hunga un wega mas den e liga aki, pa despues diabierna e bolbe liga major na Boston, unda cu su ekipo lo enfrenta e ekipo di Tampa Bay Rays. Fuente Sports Zone Aruba. Potret cortesiaK. Janclef.

  • Coredo di F1 Carlos Sainz ausente na Grand Prix Arabia Saudita e weekend aki

    Coredo di F1 Carlos Sainz ausente na Grand Prix Arabia Saudita e weekend aki

    ABU DHABI – Coredo di auto di careda Spaño Carlos Sainz no ta participa na e Grand Prix di Arabia Saudita e fin di siman aki. E tin cu opera appendicitis. E lo keda reemplaza cu e reserva Oliver Bearman cerca Scuderia Ferrari. Siman pasa Ferrari tabata bon den e careda y tabata spera mesun cos e fin di siman aki. Bearman ta un prospecto nobato. 

  • Aeropuerto di Aruba ta cla pa su Runway Run 2024

    Aeropuerto di Aruba ta cla pa su Runway Run 2024

    ORANJESTAD - Aeropuerto di Aruba conhuntamente cu Wings of Hope (WOH) ta organisando e di dos AUA Airport Runway Run riba diadomingo 17 di maart 2024, caminda un total di 125 coredo lo tin e oportunidad pa experencia un evento unico y na mes momento duna bek na comunidad. WoH di AAA ta enfoca riba e ehecucion di e proyectonan socialmente responsabel uzando Sustainable Development Goals (SDGs) di Nacionnan Uni como nan guia principal pa contribui na e bienestar, futuro desaroyo y sostenibilidad di e comunidad Arubiano. Como parti di WOH su plan pa 2024, manera aña pasa, e di dos AUA Airport Runway Run lo enfoca pa recauda fondo pa dos fundacion esta Trampolin Pa Trabao y Funari, e empleadonan di AAA mes a scoge ambos fundacion pa medio di un encuesta.

  • Torneo Himno y Bandera di Bolas Criollas cu participación record!

    Torneo Himno y Bandera di Bolas Criollas cu participación record!

    ORANJESTAD - Inscripcion pa Torneo Himno y Bandera di Bolas Criollas na Papaya Ranch a será cu un record di participación di 65 ekipo. Tin un total di 52 ekipo den categoría adulto y 13 ekipo den categoría di mucha. Tin 28 ekipo di caballeros, 24 ekipo di damas, 6 ekipo di hubenil y 7 ekipo di infantil. Lo tin batalla fuerte sigur!

  • Selecion di futbol di Aruba ta fortifica cu hungadornan Hulandes di SC Feyenoord

    Selecion di futbol di Aruba ta fortifica cu hungadornan Hulandes di SC Feyenoord

    ORANJESTAD – E hungadornan di futbol Hulandes Jeremy van Uunen y Walter Bennet a keda selecciona pa fortifica e seleccion definitivo di Aruba di futbol. Nan lo hunga nan prome wega cu e seleccion dia 23 di maart na Aruba den un wega di fogeo cu Republica Dominicano. Ambos hungador ta di SC Feyenoord. Door cu nan ta hungado pa Aruba, nan lo perde e partido e.o. di Feyenoord contra RKAVV. 

  • Seleccion di Aruba Sub 20 ta gana Barbados 4-0

    Seleccion di Aruba Sub 20 ta gana Barbados 4-0

    GUATEMALA CITY – E seleccion di Aruba di Sub-20 diamars ultimo a golea e seleccion di Barbabos cu score di 4-0 den e stadion Doroteo Guamuch Flores naGuatemala City. Awor Aruba tin 1 empate, 1 gana y 1 perdi. Aruba lo hunga nan proximo wega diasabra atrobe contra di Barbados.

  • Seleccion di futbol Sub-20 di Guatemala ta golea Aruba 5-0

    Seleccion di futbol Sub-20 di Guatemala ta golea Aruba 5-0

    CIUDAD DE GUATEMALA — E seleccion di futbol Sub-20 di Guatemala a golea e seleccion di Aruba 5-0 diahuebs pa tuma e liderazgo bek di e  Clasificatorio di ecampeonato di Concacaf. Guatemala, cu a derota Barbados 3-1 y a golea St Maarten 6-0, ta lidera e grupo C cu 9 punto, sigui pa Corsou cu 7 punto.  

  • Powered by SETAR