Wever: Lo anuncia reduccion awa y coriente e aña aki ainda

ORANJESTAD – E cantidad cu cual lo baha tarifa di awa y coriente e aña aki, ta bira conoci unabez cu e jaarrekening di gobierno di 2017 ta conoci. Asina minister di energia Evelyn Wever Croes a bisa durante su contestacion di pregunta den Parlamento awe mainta. E mandatario a sigura cu e aña aki ainda lo anuncia e reduccion di tarifa di utilidad, pero tin cu calcula e sumanan prome cu por anuncia esaki.

COMPENSACION

Segun Wever, e intencion ta pa haci e anuncio y implementa e cambio aki ainda na juli of net despues ora cu e crisisheffing drenta na vigor. Unabez cu esaki tuma lugar, lo a calcula cuanto e reduccion di awa y coriente mester ta, y anuncie y implemente. Esey ta nifica segun Wever, cu mientras cu tin un crisisheffing, cu ta un gasto extra, e no ta afecta e consumidor pa loke ta awa y coriente. A mustra cu danki na e aporte di Setar su dividendo, e ta reduci e dividendo necesario cu Utilities mester a duna, cu ta pone cu enberdad segun Wever, por reduci e tarifa di awa y coriente.