Imsan a anuncia plan di renobacion y expansion

Imsan a anuncia plan di renobacion y expansion

Posted on 04/23/2018 4:05 pm AST | Updated on 04/23/2018 4:05 pm AST

SAN NICOLAS - Dialuna mainta den presencia di diferente partners den salubridad, manera AZV, HOH y muy especialmente esnan di Baptist Health International a tuma lugar e “masterplan kick-off event” pa cu e renobacion y expansion di ImSan. Durante e evento Minister di Turismo, Salubridad y Deporte Sr. Dangui Oduber a splica un poco ariba e ampliacion di ImSan y kiko tur esaki ta nifica pa nos pais.

“Nos lo habri 3 camber di operacion. Dos lo ta pa cirugia general y uno pa operacion di wowo. Nos lo bai brinda tambe radiotherapie bestraling. Esaki ta algo cu no ta sosodiendo na Aruba actualmente. E camber pa cirugia general lo ta pa dagbehandelingen (opera mainta y bay cas atardi). Actualmente pashent nan cu mester wordo opera di retina ta wordo manda pa exterior. Pronto esaki no lo ta necesario mas ya cu e camber di operacion nan di wowo lo inclui operacion di retina. Tur “diagnostische oogbehandelingen” tambe lo tuma lugar na ImSan. Nos imaging department lo haya un CT scanner.”

  • Gobierno mester paga Odinsa 1 miyon pa destaho Watty Vos Blvd

    Gobierno mester paga Odinsa 1 miyon pa destaho Watty Vos Blvd

    ORANJESTAD – Gobierno di Aruba mester paga e compania colombiano di construccion Odinsa 1 miyon florin awor. Minister di infrastructura Otmar Oduber a confirma esaki pa NoticiaCla diaranson atardi. E pago ta parti di un contracto cu gobierno anterior lo a firma cu ta duna nan (Odinsa) e derecho di cobra, si nan perde e destaho publico pa e proyecto di Watty Vos Boulevard. E destaho aki a wordo gana pa e compania Mota Engil, y pa esaki, Odinsa mester haya un miyon florin. Placa cu segun Oduber, gobierno no tin aworaki. E cobransa cu Oduber ta referi na dje awor ta un ‘recordatorio’ di un prome carta di cobransa di april di 2017. 

  • Construccion di Boardwalk Malmok ta inicia den comienso di 2019

    Construccion di Boardwalk Malmok ta inicia den comienso di 2019

    ORANJESTAD – E construccion di Boardwalk Malmok lo inicia den comienso di aña 2019. Asina oficina di minister di turismo Dangui Oduber a bisa diaranson den un comunicado.  Area di Malmok dentro di poco lo cuminsa mira e proyecto di Boardwalk bira realidad. Manera cu Minister Dangui Oduber a bin ta anticipa, den cuadro cu e maneho pa eleva e calidad di nos turismo na Aruba, lo inverti den e area aki cu ta tan bishita, pa e por bira un area mas atractivo.  

  • Ley di Crisis Plan Social a pasa unanimamente den Parlamento!

    Ley di Crisis Plan Social a pasa unanimamente den Parlamento!

    ORANJESTAD - E ley di Crisis Social Plan a keda aproba unanimamente diamars atardi den Parlamento. Loke cu a pone cu a logra cu hasta oposicion a vota pa e plan tambe ta un amienda na e ley, cu ta stipula cu lo haci control cada cuartal di e fondonan. E tratamento di e ley mes a cuminsa 9'or diamars mainta y a keda cla algo despues di 5:30 di atardi. Despues a sigui cu e tratamento di presupuesto mes, e cartera di asuntonan social di minister Glenbert Croes. 

  • Presupuesto supletorio 2018 aproba awe marduga

    Presupuesto supletorio 2018 aproba awe marduga

    ORANJESTAD – Den careda di 1:14am Parlamento a aproba e presupuesto supletorio 2018. Un reunion maratonico cu a dura mas di 14 ora, finalmente a yega na votamento unda cu 12 miembro a vota pro y 7 a vota contra. Tabatin dos parlamentario di oposicion (Dowers y de Meza) cu no tabata presente durante votamento, pero si a hiba palabra durante curso di dia. E fraccionan den coalicion a considera e votamento uno historico den sentido cu ta prome biaha cu ta vota pa un presupuesto supletorio budget neutral, pues cu no a pidi pa aproba nada extra. 

  • Tratamento di presupuesto 2019 ta cuminsa diamars awor

    Tratamento di presupuesto 2019 ta cuminsa diamars awor

    ORANJESTAD – E siman aki ta cuminsa cu tratamento di presupuesto 2019 di pais Aruba. Segun e schedule cu NoticiaCla tin den su poder, ta cuminsa dialuna 10 di December cu e presupuesto supletorio di 2018, sigui pa presupuesto di crisis plan social y presupuesto cu ta toca cartera di minister Glenbert Croes esta Social y Labor. Ta sigui diaranson 12 di December e presupuesto di minister Dangui Oduber cu ta di Deporte, Turismo y Salud. Diabierna 14 di December ta trata e ley di LAFT pa e colegio di supervision financiero CAFT. Dialuna siguiente 17 di December ta sigui e presupuesto di ministernan Chris Romero (Agricultura, Transporte y Telecomunicacion), y Rudy Lampe (Enseñansa). Diamars 18 di December ta sigui e presupuesto di minister Andin Bikker (Husticia), y diaranson 19 di December finanzas y economia cu Xiomara Ruiz Maduro. E ultimo dia, dia 20 di December lo sigui e ultimo cu ta di minister di Asuntonan General, Energia y Integridad, Evelyn Wever Croes. Pero mei mei di e presupuestonan. NOTA: Potret ta di entrega di presupuesto 2019 na Staten algun siman atras. 

  • Ruiz: CAFT ta usa tono abusivo y ta parse di no ta independiente

    Ruiz: CAFT ta usa tono abusivo y ta parse di no ta independiente

    ORANJESTAD – “Gobierno di Aruba ta sorprendi di e conseho   recientemente di e colegio di supervision financiero CAFT na gobierno, unda cu CAFT aparentemente ta atende gobierno riba palabracionan cu no a keda formalisa ainda cu Hulanda”. Asina e carta di gobierno di 5 pagina dirigi na e colegio, - cual carta NoticiaCla tin den su poder-, ta cuminsa. Den e carta cu un tono basta fuerte den direccion di CAFT, gobierno di Aruba (lesa: Minister di Finanza Xiomara Ruiz Maduro) a hala  atencion asina di e colegio. Ruiz ta culpa CAFT di ta e.o. ‘presenta un bista irealistico di e situacion real y e relacion entre e colegio, Aruba y Hulanda’. NoticiaCla diaranson caba a referi brevemente na carta aki basa riba un reaccion di e mandatario na e portal aki, unda cu gobierno ta mustra CAFT cu gobierno no ta bay cumpli cu e peticion pa reduci e suma di 14.2 miyon florin prome cu fin di 2018, simplemente pasobra gobierno no por. Pero awor, cu e carta den poder di e portal aki, ta nota cu e tono ta mucho mas fuerte.

  • los cafeteros
  • Banco Di Caribe
  • Powered by SETAR