Homber deteni cu a manda menasa pa manifestantenan

ORANJESTAD – Basa riba un menasa haci riba e red social Facebook, un persona a keda deteni diaranson mainta. Ta trata aki di e persona J.R.C, cu a manda un tipo di menasa riba su pagina Facebook, den direccion di esnan cu ta bay manifesta diaranson atardi. Cu e texto ‘Esaki mi tin pa e d----------0 nan majan’ e la post su potret cu un machete den man. E detencion lo a wordo confirma pa su ruman muher, cu ta parlamentario di Aruba.