Entrada hudicial pa busca fugitivo di tiroteo di Hato

WILLEMSTAD - Diaranson mainta, 1 di oktober 2014, a ehekuta tres entrada hudisial relaciona cu e caso di asesinato na aeropuerto Hato di juli ultimo. A detene mientrastanto 4 sospechoso, y diaranson mainta tabata en busca di e sospechoso Adrian Santhony Martha. Bou di giya di un wes-komisario a drenta dos kas den bario di Koraal Specht I un bibienda den mari Pampun durante kua a konfiska artiulonan digital pa mas investigashon.

Durante entradanan hudisial ku a tuma lugá den kuadro di TGO ‘Hato’ a konfiska varios merkansia manera entre otro arma di kandela ilegal, plaka kesh i droga. Den kuadro di e investigashon no tabata posibel te awe pa duna informashon ekstenso na prensa riba e kaso aki.

Mientrastantu e investigashon a yega na un punto ku por informá lo sigiente:

Dia 5 i 7 di ougùstùs 2014 a detene respektivamente e homber di 24 aña di edat G.A.G. i e homber di 23 aña di edat J.C.P. Ambos ta ser sospechá ku dia 15 di yüli, net prome ku e tiroteo, ku nan tabata na airopuerto Hato pa duna of tuma un of mas arma di kandela ku tabata intenshoná pa ser usá dor di e viktimanan.

No masha despues ku a lanta TGO ‘Hato’ a haña bista riba e sospechosonan komo esnan ku a fungi probabemente komo esnan responsabel. Ta trata di sinku persona ku ta ligá na NLS.

Kuater di e sinku sospechosonan, ku ta ser mirá pa Ministerio Publiko komo e outornan di e asesinato na Hato. Nan a ser detene na Korsou. Esnan detene ta ser sospecha di asesinato cq. (intento) homisidio.

v E kuater sospechosonan ta:
J.F. M. (28), detene dia 13 di sèptèmber 2014, pa mas o menos 06.40 or, G.N. M. (28), detene dia 13 di sèptèmber 2014 mas o menos 08.15 or, R.L. B. (28), detene dia 15 di sèptèmber 2014 2014 mas o menos 17.45 or, R.D.A. M. (27), detene dia 19 di sèptèmber 2014 mas o menos 23.05 or.

E di sinku sospechoso ta ketu bai fugitivo. Intentonan anteriormente pa detene no a resulta eksitoso. Ta tratá di Adrian Santhony Martha (nomber di kariño Venenu of Poison), nase 1 di november 1989 na Korsou, bibá na Kaya Poron 10. Awe a emiti un asina yamá “opsporingsbericht” pa logra su detenshon.

Tur esnan ariba menshona ta aktualmente enkarselá (voorlopige hechtenis). Ministerio Públiko Kòrsou i KPC ta hopi satisfecho ku e transkurso di e investigashon. Nos ta premirá ku denter di poko por klousura e investigashon aki ku eksito.

Pa loke ta e caso mes, esaki a sosode dia diamars dia 15 di yüli 2014, pa 20:15 or, ora cu a tuma lugá un tiroteo riba lugá pa stashoná outo na airopuerto Hato na unda dos persona E.A.J. I S.P.A. a perde nan bias mientars ku shete persona a resultá heridá.

Despues di e tiroteo a lanta dor di Kuerpo di Polis di Kòrsou (KPC) un asina yamá Team Grootschalige Opsporing (TGO). Bou di liderasgo di Ministerio Públiko Kòrsou e team aki k e nomber ‘Hato’ a start ku un investigashon amplio pa investigá esaki. Rapidamente despues a sali na kla ku aki tabata tratá di un asesinatolikidashon, esta reglamentu di kuenta, den e sirkuito criminal ku por ser koloká den un enemistat largu ku tin entre e gengnan di No Limit Soldiers (NLS) i Buena Vista City (BVC). Esnan ku a keda asesiná ta den relashon ku BVC.