Tratamento di presupuesto 2018 di pais Aruba a cuminsa

ORANJESTAD – Tratamento di presupuesto di pais Aruba pa 2018 a cuminsa diahuebs mainta. E prome tres ministernan pa duna cuenta tabata Dangui Oduber, Chris Romero y Andin Bikker. E presupuesto mester a keda trata prome cu 15 di december 2017, pero pa motibo di cambio di gobierno, esaki no tabata por. Prome cu e tratamento, parlamentarionan a manda miles di pregunta pa e mandatarionan por contesta. E tratamento a cuminsa mainta 8:30 y pa atardi 5’or e prome minister na turno Dangui Oduber a cuminsa su disertacion. Ta premira cu mirando e trayectoria diahuebs, cu e prome dia lo ta uno largo. E otro dianan reserva pa trata e presupuesto, ta diabierna awor, dialuna otro siman y posiblemente diamars.