ORANJESTAD - Aruba Bank ta introduci su producto nobo yama PCard (Procurement Card), cual ta un carchi special pa clientenan comercial minimalisa uzo di petty cash. Tambe e producto nobo aki ta Aruba Bank su alternativa teniendo den consideracion cu no lo haci uzo di business check entrante 1 di November, 2018.
Pa garantisa un experiencia superior, Aruba Bank a sa di crea un producto nobo pa haci pago. E PCard ta un tarheta di pago cu ta wordo extendi na nomber di e compania y cu ta duna e comerciante e flexibilidad ora di ehecuta pagonan. Pagonan por wordo haci via mashin di swipe (POS terminal) solamente.
Bentahanan di e PCard ta inclui entre otro, miho control administrativo y administracion financiero mas eficiente. Por medio di online banking e cliente tin acceso na su cuenta y por monitor y percura pa tin fondo necesario pa eherce pagonan via su PCard. Pa mas informacion y/of pa aplica, por tuma contacto cu un Account Manager di e departamento corporativo di Aruba Bank of por manda un e-mail na [email protected].
ORANJESTAD – Diaranson mainta 27 di maart Prome Minister Evelyn Wever-Croes hunto cu colega Minister di Finansa Xiomara Maduro a biaha pa Corsou pa reunionan importante den cuadro di e tema di ENNIA.
MIAMI – E compania hotelero Four Seasons awor tambe ta sigui e trend di e compania Ritz-Carlton cu a inicia cu nan coleccion di yate luhoso estilo crucero. E compania a anuncia cu nan tambe ta drenta den e negoshi ey, di ‘espacio di crucero luhoso ultra chikito, cu su prome yate den construccion na Italia. E prome destinacionan ta conoci y ta pa Caribe, cuminsando na 2026. E temporada Caribense lo core di januari pa maart 2026 cu parada na St Barth, Nevis, the Grenadines, Saint Lucia, Barbados, Martinique, Curacao, Aruba y Guadeloupe. Cada bapor lo tin solamente 95 suites, cu ta 50% mas espacio pa persona cu cualkier otro crucero. Cada camber lo tin bentanan gigante di vloer te plafond, hopi vanidad den e bañonan y terras priva. Asina e presidente y CEO di Four Seasons Alejandro Reyna a sigura.
ORANJESTAD – CEO di Aruba Hotel & Tourism Association Tisa LaSorte, recientemente durante e programa Noticiacla LIVE a pidi pa hende na Aruba no bay protesta contra turista na Aruba riba e desaroyo di turismo. Den e video, e ta splica e peticion mas amplio.
ORANJESTAD - Association of Aruban Realtors (AAR) despues di un reunion cu AFTA a revoca su Commission Guidelines. E guidelinenan aki ta limita competencia den prijs entre intermedario, y esey a base di e Ordenanza encuanto Competencia (Mededingingsverordening; AB 2020 no. 103) ta prohibi desde 1 di januari 2024. A traves di e revocacion di e guidelinenan aki ta kita e limitacion pa competencia den prijs, loke por conduci na tarifa mas abao. Esey ta faborabel pa consumido y empresa cu ta haci uzo di servicio di intermediario. Pa motibo di e revocacion rapido di e guidelinenan di parti di AAR y e tempo corto desde cu e Ordenanza encuanto Competencia a drenta na vigor, AFTA a para su investigacion encuanto AAR y su miembronan.
ORANJESTAD – Entre e hotelnan existente y esnan nobo cu tin habri e aña aki ainda, mester tin 1500 trahado den aña 2024. Y esey ta pa hotel so. Asina e CEO y Presidente di AHATA Tisa LaSorte a bisa den e programa Noticiacla LIVE diahuebs anochi. Por wak e fragmento ey di e programa AKI.