Arte di Palabra ABC organisa pa prome biaha na Aruba

Arte di Palabra ABC organisa pa prome biaha na Aruba

Posted on 04/17/2018 4:03 pm AST | Updated on 04/17/2018 4:04 pm AST

ORANJESTAD - Diasabra 14 di april, a tuma luga e competencia di Arte di Palabra ABC na Cas di Cultura. Un cantidad di 36 hoben di scolnan secundario entre Bonaire, Corsou y Aruba a presenta cu no mas cu 41 obra di poesia y cuenta cortico.

Arte di Palabra ta un proyecto di Departamento di Cultura Aruba bou auspicio di Ministerio Cultura, cu a inicia na Corsou 19 aña pasa. Na aña 2000 Jong Bonaire tabata scoge hoben y bay participa na Corsou. Despues na 2006 Bonaire a cuminsa cu su competencia. Na aña 2009 Aruba tambe a uni cu e bunita proyecto aki y na unda cu ganadornan di cada isla ta bay Corsou pa e competencia final di ABC.

Pa prome biaha Aruba ta organiza e competencia final ABC p’asina celebra Arte di Palabra Aruba su di 10 edicion.

Despues di un dia largo cu presentacion di e.o. entregamento di Tapushi Literario na baluartenan di teatro di Aruba (Mascaruba y Muchila Creativo), Bonaire (Bonaire Youth Outreach Foundation), Corsou (Grupo teatral Thalia) y presentacion di “The Popcorn Dancers”, a finaliza e anochi cu e siguiente resultado;

 

Categoria A: Poesia Existente klas 1-2 Scol Obra

1. Nadjelly Sumter di SGB Liseo, Bonaire titula ‘Papiamentu’

2. Emmanuel Cathalina di Stella Maris College, Corsou titula ‘Poder di un hóben’

3. Maria Luisa Troncon di SGB Liseo, Bonaire titula‘Mi Arte’

 

Categoria B: Poesia Original klas 1-2 Scol Obra

1. Jordan Martis di Gouv. Lauffer VSBO, Corsou titula ‘Fundeshi di nos rais’

2. Randiyon Eleonora di SKAIH, Corsou titula ‘Bo meres'e’

3. Juriella Josephia di SGB Liseo, Bonaire titula ‘Luna mi luna’

 

Categoria D: Cuenta Existente klas 1-2 Scol Obra

1. Derickson Ellensburg di Joseph Civilis VSBO, Corsou titula ‘Jeanna mi dushi’

2. Nadjelly Sumter di SGB Liseo, Bonaire titula ‘Esta un bòmbòshi’

3. Kyrsha Petrocci diSKAIH, Corsou titula ‘Jorge e hòmber pichiri’

 

Categoria E: Cuenta Original klas 1-2 Scol Obra

1. Ruveiñsca Estachia diJoseph Civilis VSBO, Corsou titula ‘Mi ta inosente’

2. Maria Piternella di Ceque College, Aruba titula ‘Mi soño a bira realidad’

3. Shantal Marin di John Wesley College, Aruba titula ‘Un Vakantie cu Anita lo no lubida nunca’

Categoria C: Poesia Original klas 3-6 Scol Obra

1. Gyandro Marselia diMIL, Corsou titula ‘Arte’

2. Brooke Shields Goedgedrag di MIL, Corsou titula

‘Demoñonan di skuridad’

3. Lyndon Leito di SGB VMBO, Bonaire titula ‘Un pausa permanente’

Categoria F: Cuenta original klas 3-6 Scol Obra

1. Sendion Balentin di SGB Liseo, Bonaire titula ‘E yaya’

2. Gyandro Marselia diMIL, Corsou titula ‘E boto di Moi’

3. Kimberly Vasquez di SGB MBO, Bonaire titula ‘E bèrdat konfesá na porta di San Pedro’ .

E evento aki a ser organisa den cuadro di 40 aniversario di servicio cultural na Aruba, 15 aña oficialisacion di Papiamento riba Aña di Papiamento y e di 10 edicion di Arte di Palabra na Aruba.

  • Long Table event di Renaissance a genera $ 25.000,= pa Casa Cuna

    Long Table event di Renaissance a genera $ 25.000,= pa Casa Cuna

    ORANJESTAD – E di dos edicion di e Long Table event di Renaissance a genera $ 25.000,= pa Casa Cuna e aña aki. Renaissance Aruba Resort & Casino a presenta su di dos edicion di ‘Long Table’. Aña pasa e evento a surpasa tur expectativa den ‘dinner experience’ y e aña aki no tabata un excepcion, considerando cu e evento culinario tabata ‘sold out’ mas cu un luna prome cu e fecha. Pa un solo anochi Renaissance Aruba a sirbi dinner, na e mesa di mas largo na Aruba. E mesa cu a cubri parti di L.G Smith Boulevard a acomoda 1,000 persona. E aña aki tabata tin un solo beneficiario; tur fondo recauda a bay pa Stichting Casa Cuna Progreso.

  • Aruba Bank a regala NoticiaCla un bolo pa celebra 4 anniversario

    Aruba Bank a regala NoticiaCla un bolo pa celebra 4 anniversario

    ORANJESTAD – Den cuadro di e di 4 anniversario di NoticiaCla e siman aki (dia 2 di juli), un di e patrocinadornan di e portal  esta Aruba Bank, a regala e portal un bolo diahuebs merdia como muestra di nan aprecio pa e trabou y e laso comercial y di sosten cu e banco a bin ta brinda e portal ultimo tempo. “Masha pabien y tur cos bon pa sigui celebra hopi aña mas” ta loke cu e representante di mercadeo di e banco, Nelleke Cardenas a bisa periodista Tito Lacle cu ta maneha e portal. NoticiaCla kier a gradici Aruba Bank cu e gesto bunita aki y gradici nan pa nan sosten na e portal. Masha danki

  • Gwendeline van Trikt-Rojer Regional Director nobo Quota International Region 10

    Gwendeline van Trikt-Rojer Regional Director nobo Quota International Region 10

    ORANJESTAD - Recientemente, Quota International Inc. a tene nan Reunion Annual pa Region 10 cu a tuma lugar na Landgoed Zonheuvel Doorn, Hulanda y como Regional Director 2108-2020, di Region 10 a keda nomina y eligi den persona di Sra. Gwendeline van Trikt-Rojer di Quota International Aruba.

  • Aruba ta haya prome Fonds op Naam, Fonds Eduardo de Veer

    Aruba ta haya prome Fonds op Naam, Fonds Eduardo de Veer

    ORANJESTAD - Manera conoci, Prins Bernhard Cultuurfonds Caribisch Gebied (PBCCG) ta un fondo cu ta cubri tur seis isla den Reino. E oficina principal di Prins Bernhard Cultuurfonds ta situa na Amsterdam y ta for di Hulanda PBCCG ta ricibi fondonan anual pa subsidia proyectonan riba e 6 islanan hulandes.

  • Cruz Cora Aruba su fundraising ‘Garden Party’ a resulta otro exito

     Cruz Cora Aruba su fundraising ‘Garden Party’ a resulta otro exito

    ORANJESTAD—Diabierna ultimo, cu un Aruba Surfside Marina completamente yen, Cruz Cora Aruba a tene su evento anual pa recauda fondo. Cu un bunita speech duna pa Beschermheer di Cruz Cora Aruba, Su Excelencia Gobernador di Aruba, Sr. Alfonso Boekhoudt, e anochi a cuminsa. Ya pa ocho aña caba, Cruz Cora Aruba ta organiza su fiesta y semper a percura pa ofrece tur cu tey presente, un ambiente ameno cu un tema creativo y na mes momento un oportunidad pa socializa y network. Y esaki un biaha mas tabata e caso cu un evento completamente “sold out”.

  • Nos grandinan a demostra nan talento tur cu tin durante Arte di Palabra +

    Nos grandinan a demostra nan talento tur cu tin durante Arte di Palabra +

    ORANJESTAD - E team cu ta consisti di: Grupo Nucleo, Fundacion Lanta Papiamento, OPPA, Departamento di Cultura y Departamento Social a hinca un tremendo programa den otro y cu a caba na e ora stipula. E participantenan a engrandece Papiamento, declamando poema of contando un storia.

  • Powered by SETAR