Plasterk: Hulanda ta interveni na St Maarten

DEN HAAG – Hulanda ta interveni na e isla di St Maarten. Esaki e minister encarga cu Reino Hulandes, Ronald Plasterk a bisa diaranson prome cu e tratamento di presupuesto di Reino Hulandes, den Tweede Kamer. E motibo di intervencion ta pa combati e corupcion grandi cu ta tumando lugar riba e isla aki. Entre e medidanan anuncia, lo ekipa ministerio publico cu mas personal, lo fortifica e control di frontera y ta bin un supervisor hulandes cu tin cu vigila e ‘integridad’.Asina e mandatario a declara na television hulandes diaranson mainta.

Segun Plasterk, un investigacion haci recien, a revela cu tin decaida den tur nivel na St Maarten. “E isla di 40.000 habitante no por resolve e problema su so” Plasterk a declara. “ Nos mester percura hunto pa e no sigui deteora”. E ekipo special di ministerio publico tin cu enfoca su mes riba crimen di tur nivel, incluso politico. “Politiconan mester ta incorruptible” Plasterk a sigui bisa. E ta bay fortifica warda costa, douane, marinier, y polis. Nan lo wordo controla for di Hulanda. Plasterk ta haya e resultado di e rapport di integridad di e isla, haci pa Price Waterhouse Coopers espantoso. For di e investigacion a resulta cu tin abuso di poder y conflicto di interes serio den e isla mas chikito di Reino Hulandes. “Esaki no por sigui asina” e mandatario a sigui bisa.