Conocido fotografo Dwight Jimenez ta lansa su propio website

ORANJESTAD – Conocido fotografo Dwight Jimenez diamars a lansa su propio website dwightjimenez.com, unda cu nos por  gosa di su potretnan tur dia. Jimenez a wordo aserca dor di un compania Internacional, despues di a constata e cantidad di likes cu e tin y e trafico cu e ta genera riba facebook , sin tin un website. E compania aki Vickydir, a mustra su interes pa traha e website pa Jimenez. E website,  dwightjimenez.com, lo ta rapido y lo percura cu tur e informacion cu e ta contene di atrae mas users posibel ya cu semper e lo keda fresco y moderno cu topiconan interesante y al dia. Specialmente pa e optical user e lo ta un hoya cu e diferente potretnan cu nan por gosa di dje. Dwight Jimenez di un manera unico ta combina Instagram, Twitter y Facebook hunto den un solo website na unda tur esunnan cu ta interesa pa keda al tanto di loke ta pasa den e mundo fascinante di moda den un website unico y prome den su estilo na Aruba.