Cuba ta conoce su presidente nobo e siman aki

HAVANA — E siman aki Cuba ta conoce e final di era di e fam Castro como hefe di estado. Diaranson of diahuebs (ta cambiando e dia) Raul Castro (86) ta baha como presidente y ta keda reemplaza pa e actual vice presidente Miguel Dias-Canel. Ta prome biaha den 40 aña cu no tin un ruman di Castro. Fidel Castro a inicia e revolucion comunista na 1959, y despues su ruman chikito Raul a reemplace. Diaz Canel tin un historia largo politico. E tabata antes e minister di enseñansa avansa. Mientras cu Diaz Canel tin bistanan modera riba hopi asunto, ultimo tempo el a cambia su postura pa uno mas directo y duro, sigurando e continuacion di e sistema politico di un solo partido y un economia central. Un di e retonan lo ta e relacion entre Merca y Cuba, y sigur cu e postura mas frieuw di presidente Mericano Donald Trump. Na maart Trump a reduci e personal di embahada Mericano na Cuba cu 60%. E paso a bin despues cu aña pasa e evacua personal no esencial ora cu hopi a bira malo den un serie di incidente inexplicabel. Fuente y potret ta cortesia di NBCnews.com