Cas Princesa a instala 11 candidata pa varios certamen

Posted on 04/17/2018 9:53 am AST | Updated on 04/17/2018 9:54 am AST

ORANJESTAD - Den Cas di Cultura a tuma lugar instalacion di e candidatanan di Cas Princesa 2018. Un total di 11 candidata di Miss Beauty a ser oficialmente instala pa e diferente certamenan cu pa 2018 ta Little Princes, Little Miss y Preteen. E aña aki a introduci un categoria nobo cu ta esun di Miss Teen Petite 2018. Esun aki lo ser corona den e certamen final dia 29 di juni 2018 den Cas di Cultura. E maestro di ceremonia di e anochi tabata Addonsito Croes y a conta cu presentacion di Diamond Dance Group kids & teens, Judson Vrolijk, Gucci Dancers, Candy Dancers y Pitbul Production. E sorpresa di e anochi cu a pone e publico grita tabata e momento cu nos artista internacional JEON a parece riba e escenario mientras Diamond Dance tabata presenta e exito mundial “Machica”.

 

  • Powered by SETAR