TNO encarga cu investigacion di calidad di aire na hospital

ORANJESTAD – TNO a keda encarga cu investigacion riba e calidad di aire den edificio di hospital na Aruba. Asina minister di salud Dangui Oduber a informa pa medio di un comunicado. Segun e mandatario esaki ta pa motibo cu algun siman atras tabatin diferente incidentenan cu a tuma lugar na hospital caminda diferente personal laborando na hospital entre otro na operatiekamer, radiologia y e botica a bay cas malo pa motibo di holornan toxico den e aire den e edificio di hospital.

RESULTADO

E investigacion mester saca afo kico ta ocasionando e holornan toxico aki y unabes esaki ta conoci e lo sigura e trahadornan cu e lo instrui gerencia di hospital pa soluciona esaki pa asina garantiza nan siguridad diario na pia di trabou.

CONTENTO

Oduber ta kere cu si bo trahadornan ta contento nan lo provee un miho calidad di cuido na nos pacientnan y como tal nan mester wordo protegi tambe durante cu nan ta laborando diario na hospital.