Firmamento di MOU cu Bahia Principe posponi

ORANJESTAD – E firmamento di e memorandum of understanding entre gobierno di Aruba y e doñonan di Bahia Principe, a keda posponi pa 2 siman. Minister di Turismo Otmar Oduber a confirma esaki diamars atardi na NoticiaCla.com. Esaki no kier men cu tin problema cu e continuacion di e proyecto, sino mas bien conflicto di schedule. E dia y orario nobo lo ta dia 16 di october proximo durante e evento di Carubbian Festival na San Nicolas.

Segun e mandatario, e tin un asunto di salud di su familiar pa atende cune riba diahuebs, y e propietario, Don Pablo Pinero tampoco no por ta presente diahuebs awor. Como tal a opta pa sincronisa e schedulenan nobo pa e proximo dia menciona. Riba e fecha ey, lo presenta un MOU cu ta indica e intento di e grupo pa cuminsa e proyecto hotelero di 5 strea all inclusive na San Nicolas. E intencion ta pa cuminsa construccion na februari di otro aña y habri e hotel na october di 2016.