Bogaerts for di circulacion pa 10 dia debi na lesion

BOSTON – E pelotero profesional di Aruba Xander Bogaerts ta for di wega pa 10 dia y ta riba e lista di lesion. Asina su ekipo Boston Red Sox a bisa. Esaki despues cu a bira conoci den fin di siman cu Bogaerts a lastima su enkel durante un hugada. Oficialmente el a crack un weso cu ta conoci como e weso di talus. E speranza tabata cu e lo a perde apenas 2 dia di wega, pero esey no ta e caso. E ekipo a dicidi cu ta miho pa tuma e caminda corecto medico, cu ta nifica cu pa 10 dia e no ta den rotacion. Esey ta nifica tambe cu e ta perde e serie cu New York Yankees proximamente. Ta net awor cu Bogaerts tabata den un racha hopi positivo di sigur e parti di bateo, unda cu el a te hasta logra un cuadrangular. Potret cortesia: Greg M. Cooper-USA TODAY Sports