Romero: Despues di prespuesto ta cuminsa busca director nobo pa Telearuba

ORANJESTAD - Despues cu a cambia board na Setar, awor ta bay cambia esun di nos planta nacional  Telearuba. Asina minister responsabel pa e canal, Chris Romero a bisa durante un conferencia di prensa dialuna mainta. Segun e mandatario, e proceso lo cuminsa despues di tratamento di presupuesto, pues comienso di luna di mei. Lo tene un solicutud habri pa tur esnan interesa por participa den e proceso. " Mester di un director pa pone e lugar funciona manera debe ser" Romero a bisa. Prome cu e gobierno actual a sinta, e gobierno anterior a purba kita Schouten pasobra nan no tabata contento mas cu su prestacion, pero na final a yega na un acuerdo cune.  Na su lugar, Giovanny Kock a keda responsable pa e operacion diario, te ora cu nombra un director definitivo. Kock ta un experto financiero di Setar, cu a drenta Telearuba ora cu Setar a tuma e canal over. A bira practicamente custumber cu e posicion ta uno politico unda cu cada bez un gobierno cambia, ta cambia e director tambe. Esaki debi cu e gobierno na mando kier a sigura cu e canal ta opera segun criteria politico di e gobierno. No obstante e hecho cu Setar a tuma e canal over, e parti aki nunca no a cambia. No ta conoci si e biaha aki tambe cos lo sigui asina, of e biaha aki pa medio di solicitud habri, lo depolitisa e posicion aki.